«Báiterek» Ulttyq basqarýshy holdingi» AQ basqarmasynyń sheshimimen Nurjan Nurlanov «Báiterek» holdinginiń basqarýshy direktory bolyp taǵaiyndaldy, dep habarlaidy «Ult Aqparat» holding baspasóz qyzmetine silteme jasap.
Nurlanov Nurjan Nurlanuly Q.Sátbaev atyndaǵy Qazaq ulttyq tehnikalyq zertteý ýniversitetin munai-gaz isi mamandyǵy boiynsha bitirip, tehnika jáne tehnologiia bakalavry dárejesin, Ulybritaniiadaǵy American InterContinental University-di biznes-ákimshilendirý mamandyǵy boiynsha bitirip, bakalavr dárejesin, Ýels ýniversitetin bitirip, marketing mamandyǵy boiynsha magistr dárejesin alyp shyqqan, ekonomika ǵylymdarynyń kandidaty. «KAZNEX INVEST» Eksport jáne investitsiialar jónindegi ulttyq agenttigi» AQ-da menedjer, Investitsiialyq yntymaqtastyq departamentiniń direktory, Óńirlik yntymaqtastyq qyzmetiniń basqarýshy direktory bolyp qyzmet etken.
QR Premer Ministriniń Kantseliariiasynda jergilikti damý bóliminiń eksperti (2012-2013), «QazTransGaz Aimaq» AQ finans jónindegi basqarýshy direktory (2013-2014), «QazTransGaz» AQ gaz marketingi jónindegi basqarýshy direktory (2014-2015), «QazTransGaz» AQ marketing jáne kommertsiia jónindegi basqarýshy direktory (2015-2016), «QazTransGaz» AQ Bas direktordyń tehnikalyq saiasat jónindegi orynbasary (2016-2018) laýazymdaryn atqarǵan.
