«Báiterek» holdingi baspana qurylysyna qosymsha 61 mlrd teńge tarta alady. Bul týraly «Báiterek» ulttyq basqarýshy holdingi» AQ-nyń Basqarma tóraǵasy Aidar Áriphanov aitty, dep habarlaidy QazAqparat.
«Kredittik turǵyn úi qurylysy boiynsha ákimdikter ainalymynda qazir árbir 2 jyl saiyn tsikldyq máni bar 387 mlrd teńge bar. Qurylys kólemin ulǵaitý úshin Biryńǵai operator naryq jaǵdaiynda qosymsha 61 mlrd teńge tarta alady. Tartylatyn qorlandyrý qarajaty aǵymdaǵy kólemdermen mikshirleýge baǵyttalatyn bolady. Bul ákimdikterdiń obligatsiialaryn jyldyq 4,25 paiyzben biryńǵai mólsherleme boiynsha satyp alýǵa múmkindik beredi», - dedi ol.
Onyń atap ótýinshe, bul qarajat ainalymyn 448,5 mlrd teńgege deiin ulǵaitýǵa, 2,5 mln sharshy metr turǵyn úi salýǵa múmkindik beredi.
«Biyl naryq jaǵdaiynda barlyǵy 300 mlrd teńge tartý josparlanýda. Áleýetti investorlar retinde kommertsiialyq bankter, saqtandyrý jáne qarjy uiymdary ishki jáne reseilik naryqtarda qarastyrylady. 1-toqsanda Eýraziialyq damý bankimen jáne Resei Sberbankimen kelissózder aiaqtalady.
Qosymsha, erkin kepildik bazasynyń bolmaýyna bailanysty bankterden kommertsiialyq kreditter ala almaityn qarjylyq - turaqty qurylys salýshylardy qoldaý úshin jobalyq qarjylandyrý tetigin engizý usynylady», - dedi Aidar Áriphanov.
