«Báiterek» ulttyq basqarýshy holdingi 10 jyl merzimge 200 mlrd teńge obligatsiialyq nesie tartyp, ony óziniń enshiles kásiporyndary arqyly taratady, dep habarlaidy "Ult aqparat".
Úkimet otyrysynda «Báiterek» ulttyq basqarýshy holdinginiń basqarma tóraǵasy Aidar Áriphanov qarajat qandai shartpen tartylatynyn túsindirdi.
«Biz Ulttyq banktiń qarajatynan óteý merzimi 10 jyl jáne syiaqy mólsherlemesi jyldyq 7 paiyzben 200 mlrd teńge kóleminde obligatsiialyq nesie tartýdy josparlap otyrmyz. Holdingtiń obligatsiialaryn ornalastyrýdan túsken qarajat mynadai baǵyttar boiynsha jumsalady. 100 mlrd teńge Qazaqstan turǵyn úi kopaniiasy arqyly ákimdikterdi qarjylandyrýǵa, 7,1 paiyzy, onyń ishinde 2 mlrd teńge azamattardyń ómir súrý sapasyn jaqsartý úshin infraqurylymdy damytýǵa jáne 50 mlrd teńge biznesti damytýǵa baǵyttalady», - deidi Aidar Áriphanov.
Holding basshysynyń aitýynsha, qalǵan 100 mlrd teńge agroónerkásiptik keshenniń investitsiialyq jobalaryna baǵyttalmaq.
«Holdingtiń enshiles uiymdary arqyly qarjylandyrýǵa «Agrarlyq nesie korporatsiiasyna – 34,1 mlrd teńge, Qazaqstannyń damý bankine – 32,2 mlrd teńge, «Qazyna Kapital Menedjmentke» – 33,7 mlrd teńge kóleminde bólinetin bolady», - dedi holdingtiń basqarma tóraǵasy.
