"Báiterek" ulttyq basqarýshy holdinginiń enshilesteri "Qazaqstan investitsiialyq qory" 61 mln teńge syiaqy aldy, - dep habarlaidy NUR.KZ.
Investitsiialyq qordyń basqarma músheleri men qyzmetkerleri 2013-2014 jyldary jaqsy jumys istegeni úshin 60 mln 969 myń 316 teńge kóleminde syiaqy alǵan.
«2013 jylǵy qarjylyq qyzmettiń negizinde eńbek erejelerine sáikes 2014 jyldyń mamyr aiynda qordyń eki basqarma qyzmetkerine 11 900 000 teńge kóleminde syiaqy tólemderi jasaldy.
2014 jyldyń qorytyndysy boiynsha 2015 jyldyń maýsym aiynda qordyń 12 qyzmetkerine syiaqy berildi. Basqarma bóliminiń 5 múshesi 25 769 643 teńge jáne ózge de 7 qyzmetker 23 299 673 teńge kóleminde syiaqy aldy», ― dep málimdeme jasady qordaǵylar.
Osy oraida, 2015 jyldyń qorytyndysy boiynsha investitsiialyq qordyń basshylaryna syiaqy taǵaiyndalmaǵanyn alǵa tartty.
Sondai-aq, kompaniiadaǵylar 2016 jyldyń 1 qyrkúieginen bastap direktorlar keńesiniń sheshimimen apparat basshysy jáne direktorlar tóraǵasy qyzmetterin taratyp jibergenin aitady.
