"Báiterek DEVELOPMENT" AQ basshylyǵy ustalǵan soń kompaniia ókilderi málimdeme jasady, - dep habarlaidy kaz.tengrinews.kz tilshisi "Báiterek DEVELOPMENT" AQ baspasóz qyzmetine silteme jasap.
Tergeý málimetinshe, qylmystyq topta 13 kásiporyn bolǵan. Ol qurylys nysandary Oral, Kókshetaý, Atyraý, Aqtóbe, Taraz jáne Taldyqorǵan qalalarynda ornalasqan.
"Báiterek DEVELOPMENT" kompaniiasy ókilderi nysandardy salýshylardyń kelisimshart jasasqanda deldaldardyń qyzmetinde týyndaityn qiyndyqtaryna bailanysty jańa júieni oilap tapqandaryn aitty.
"Biyl 21 qyrkúiekte Astanada "Báiterek DEVELOPMENT" AQ-da 44 qurylys kompaniiasymen jinalys ótkizildi. Onda salýshylardyń aitqan shaǵymdary men usynystary muqiiat talqylandy. Óz kezeginde kompaniiadaǵylar merdigerlerdi sheshim qabyldaǵanda jemqorlyqqa tótep beretinderin sendirdi. Sondai-aq, kompaniia ókilderi arnaiy jeliniń iske qosylatynyn aitty", - dedi kompaniianyń baspasóz qyzmetindegiler.
"Búginde "Báiterek DEVELOPMENT" AQ keńsesinde kelissózder júrgizýge arnalǵan arnaiy shynydan jasalǵan kabinet bar. Ol kabinet qajetti aýdio jáne videoqurylǵylarmen qamtamasyz etilgen. Kompaniia qyzmetkerlerine resmi kelissózderdi basqa jerde júrgizýge tyiym salyndy", - dedi kompaniiadaǵylar.
Sondai-aq, kompaniiada kelip túsken jobalardy qarastyrý úshin, kelissózderdiń sharttaryn oryndaý úshin, turǵyn úi keshenderin paidalanýǵa berý úishn jáne onda tólem jasaý úshin tehnikalyq kartalardyń ornatylǵany aitylady. Tehnikalyq karta arqyly jalǵa beriletin jáne nesiege beriletin turǵyn úilermen jumys istei berýge bolady. Bul karta "Báiterek DEVELOPMENT" AQ resmi saitynda jariialanǵan.
"Kompaniia ókilderi ǵimarattardy salýshylardyń jasasqan kelisimsharttaryna monitoring júrgizedi. Óńirlerdegi árbir nysanda attestatsiiadan ótken tehnikalyq baqylaý qyzmetiniń ókilderi júredi. Olar qurylys-montajdaý jumystarynyń sapasyn tekseredi", - dedi kompaniianyń baspasóz qyzmetindegiler.
Eske sala keteiik, keshe, 17 qarashada "Báiterek DEVELOPMENT" AQ basshylarynyń ustalǵany habarlanǵan bolatyn. Tergeý barysynda "Báiterek DEVELOPMENT" AQ laýazymdy Jaqypov A. (Basqarma tóraǵasynyń orynbasary), Aitymbetov B. (memlekettik-jekemenshik seriktestik direktsiiasy departamentiniń basshysy) jáne Sariev Ǵ. (basqarýshy direktor) esimdi laýazymdy tulǵalar júieli túrde "Nurly jol" memlekettik baǵdarlamasy aiasynda jaldamaly turǵyn úi keshenin satý qyzmetterin kórsetetin qurylys kompaniialarynan iri kólemde para alǵany anyqtaldy.
Sondai-aq, Májilistiń burynǵy spikeri Jaqypovtyń ulyn ustaý sáti túsirilgen video paida bolǵan edi.
