"Báiterek DEVELOPMENT" AQ basshylary qamaýǵa alyndy, - dep habarlaidy "Ult aqparat" Sybailas jemqorlyqqa qarsy is-qimyl ulttyq biýrosyna silteme jasap.
«Astana q. Almaty aýdandyq №2 sotynyń sanktsiiasymen «Báiterek Development» AQ basqarma tóraǵasynyń orynbasary A.Jaqypovqa, memlekettik-jeke áriptestik direktsiiasy departamentiniń basshysy B.Aitymbetovke, burynǵy jáne qazirgi basqarýshy direktorlar G.Anarbaiǵa G.Sárievke, «Project City Group» JShS basshylary men quryltaishylary K.Smaǵulovqa, B.Esmuhanovqa, E.Jumanazarǵa jáne A.Komarovaǵa «tutqyndaý» bultartpaý sharasy taǵaiyndaldy», - dep habarlady Ulttyq biýrodan.
Búginde, tergeý málimetinshe, "Báiterek DEVELOPMENT" AQ laýazymdy tulǵalary qurylys kompaniialarynan para retinde 288 million teńge alǵan. Sotqa deiingi tergeý jumystary júrgizilip jatyr.
Eske sala keteiik, 17 qarashada "Báiterek DEVELOPMENT" AQ basshylarynyń ustalǵany habarlanǵan bolatyn. Tergeý barysynda "Báiterek DEVELOPMENT" AQ laýazymdy Jaqypov A. (Basqarma tóraǵasynyń orynbasary), Aitymbetov B. (memlekettik-jekemenshik seriktestik direktsiiasy departamentiniń basshysy) jáne Sariev Ǵ. (basqarýshy direktor) esimdi laýazymdy tulǵalar júieli túrde "Nurly jol" memlekettik baǵdarlamasy aiasynda jaldamaly turǵyn úi keshenin satý qyzmetterin kórsetetin qurylys kompaniialarynan iri kólemde para alǵany anyqtaldy.
