Grek-rim kúresinen Qazaqstan quramasynyń bas bapkeri Baqtiiar Baiseiitov Tokio Olimpiadasynda sportshylardyń oiyny úshin qazaqstandyqtardan keshirim surady, dep habarlaidy "Ult aqparat".
«Men mundai oiyn úshin barsha Qazaqstandaǵy jankúierlerden keshirim suraǵym keledi. Shynymdy aitsam, meniń ózime de óte yńǵaisyz boldy. Eki jyl buryn ǵana komandany basqarýǵa keldim. Biyl Aziia chempionatynda tórt finalist shyqqan edi. Biraq bul - sport. Bári bolady. Taǵy da keshirim suraimyn. Múmkin maǵan azdaǵan ýaqyt jetpegen shyǵar», - dedi bas bapker Ortalyq kommýnikatsiialar qyzmetindegi onlain brifingide.
Eske sala ketsek, 2 tamyz kúni 77 kelide Qazaqstan sapynan shyqqan Demeý Jadyraev alǵashqy kezdesýinde-aq jeńilip qaldy.
Búgin 87 keli salmaq dárejesindegi qazaqstandyq balýan Nursultan Tursynov kilemge shyqty. Onyń alǵashqy qarsylasy germaniialyq Denis Kýdla boldy. Ekeýara kezdesý 4:1 esebimen nemis sportshysynyń enshisine sheshildi.
