گرەك-ريم كٷرەسٸنەن قازاقستان قۇراماسىنىڭ باس باپكەرٸ باقتييار بايسەيٸتوۆ توكيو وليمپياداسىندا سپورتشىلاردىڭ ويىنى ٷشٸن قازاقستاندىقتاردان كەشٸرٸم سۇرادى, دەپ حابارلايدى "ۇلت اقپارات".
«مەن مۇنداي ويىن ٷشٸن بارشا قازاقستانداعى جانكٷيەرلەردەن كەشٸرٸم سۇراعىم كەلەدٸ. شىنىمدى ايتسام, مەنٸڭ ٶزٸمە دە ٶتە ىڭعايسىز بولدى. ەكٸ جىل بۇرىن عانا كوماندانى باسقارۋعا كەلدٸم. بيىل ازييا چەمپيوناتىندا تٶرت فيناليست شىققان ەدٸ. بٸراق بۇل - سپورت. بەرٸ بولادى. تاعى دا كەشٸرٸم سۇرايمىن. مٷمكٸن ماعان ازداعان ۋاقىت جەتپەگەن شىعار», - دەدٸ باس باپكەر ورتالىق كوممۋنيكاتسييالار قىزمەتٸندەگٸ ونلاين بريفينگٸدە.
ەسكە سالا كەتسەك, 2 تامىز كٷنٸ 77 كەلٸدە قازاقستان ساپىنان شىققان دەمەۋ جادىراەۆ العاشقى كەزدەسۋٸندە-اق جەڭٸلٸپ قالدى.
بٷگٸن 87 كەلٸ سالماق دەرەجەسٸندەگٸ قازاقستاندىق بالۋان نۇرسۇلتان تۇرسىنوۆ كٸلەمگە شىقتى. ونىڭ العاشقى قارسىلاسى گەرمانييالىق دەنيس كۋدلا بولدى. ەكەۋارا كەزدەسۋ 4:1 ەسەبٸمەن نەمٸس سپورتشىسىنىڭ ەنشٸسٸنە شەشٸلدٸ.
