Prezident Qasym-Jomart Toqaev Qazaqstanda bailar men kedeiler arasyndaǵy alshaqtyq jol berýge bolmaityn deńgeige jetkenin málimdedi, - dep habarlaidy Tengrinews.kz tilshisi.
Memleket basshysynyń aitýynsha, qańtardaǵy oqiǵalar jyldar boiy jinaqtalǵan problemalardy ashty.
"Aldymyzda barlyq áleýmettik qurylymdy ózgertýge strategiialyq mindet tur. Bizge Qazaqstan azamattarynyń múddesine sai keletin reformalar qajet, el ózgerdi jáne azamattarymyzdyń ekonomikalyq júiege jáne jalpy ómirge degen kózqarasy ózgerdi.
Bailar men kedeiler arasyndaǵy alshaqtyq jol berýge bolmaityn deńgeige jetti. Sybailas jemqorlyq fonynda, ózderińiz jaqsy bilesizder, kásipkerler jaqsy biledi, tabystardyń mundai stratifikatsiiasy oq-dári toly bóshkege jaǵylǵan sirińke rólin atqardy, ony terrorister, sodyrlar jáne olardyń artynda turǵan kelissózshiler paidalandy", - dedi Toqaev Nur-Sultandaǵy biznes ókilderimen kezdesý kezinde.
