Qyzylorda oblystyq obaǵa qarsy stantsiiasy monitoring boiynsha josparly jumys aiasynda Qyzylorda oblysynyń 5 aýdany jáne Qaraǵandy oblysy Ulytaý aýdanynyń aýmaǵynda Baiqońyrdan 12 shaqyrym qashyqtyqta shekteýli ýchaskede júrgizilgen zerthanalyq zertteýdiń nátijesinde sarshunaq pen búrgeden, sondai-aq 14 kemirgishten oba aýrýy tabyldy.
Bul týraly QR Densaýlyq saqtaý ministrligi Qoǵamdyq densaýlyq saqtaý komiteti habardar etti.
Sanitarlyq-epidemiologiialyq jaǵdaidyń ahýaly jaily aqparat almasý týraly qazirgi kelisim aiasynda, anyqtalǵan indet týraly «Baiqońyr» kesheni basshylyǵyna aqparat berilip, aýmaqqa profilaktikalyq dezinsektsiia júrgizý jáne jumysshylarǵa vaktsinatsiia egý usynyldy. Sondai-aq, mundai aqparat Qarmaqshy aýdanynyń ákimi men veterinarlyq qyzmet basshylyǵyna da jiberildi.
Qazirgi tańda Qyzylorda oblystyq obaǵa qarsy stantsiiasy Josaly bólimshesiniń kómegimen qorǵanys aýmaǵyn qurý, halyq arasynda sanitarlyq-aǵartý jumystary, sondai-aq 4 tekshe shaqyrym aýmaqty dezinsektsiialyq óńdeý jumystary júrgizip jatyr.
TMD elderi territoriiasynda 2 mln sharshy km-den astam jerdi qamtityn oba qozdyrǵyshtyǵyn bildiretin obanyń enzootiialyq aýmaqtary bar ekendigin atap ótken jón.
Qazaqstanda obanyń enzootiialyq aýmaqtaryna 8 oblys jatady (Aqtóbe, Atyraý, Almaty, Jambyl, BQO, Qyzylorda, Mańǵystaý, Ońtústik Qazaqstan, Qaraǵandy oblysynyń kei jerleri jáne ShQO). Bul oblystar aýmaǵynda obaǵa qarsy stantsiialar jumys istep, onda jyl saiyn josparlyq tártippen oba qozdyrǵyshynyń bar-joqtyǵy baqylanady. Zoologoiialyq-parazittik jáne zerthanalyq synamalardyń nátijesin negizge ala otyryp, aldyn ala zararsyzdandyrý jáne deratizatsiialaý sondai-aq, turǵyndardy vaktsinatsiialaý sharalary ótkiziledi.
Bul sharalar respýblikadaǵy oba boiynsha epidemiologiialyq jaǵdaidyń turaqtylyǵyn qamtamasyz etedi. 2003 jyldan beri Qazaqstan turǵyndary arasynda oba dertimen aýyrǵandar tirkelgen joq.
