«Soiýz FG-10» ǵarysh kemesiniń bólshegi qulaǵan jerdiń radioaktivti jáne himiialyq jaǵdaiy normaǵa sai. Bul týraly QR IIM Tótenshe jaǵdailar komitetiniń baspasóz qyzmetinen málim etti, dep habarlaidy QazAqparat tilshisi.
«Quramynda 40 qyzmetker men 9 tehnika bar Qaraǵandy oblystyq tótenshe jaǵdailar departamenti, «Órt sóndirýshi» AQ, AIIB, «Ǵarysh ekologiia ǴZO» RMK kúshteri qutqarý kapsýlasy qonǵan aýmaqta jáne zymyran tasymaldaýshysy bólshekteri qulaýy múmkin aimaqta jerdiń raioaktivti jáne himiialyq zalaldanýy, orman jáne dala órtteri, qaza bolǵandar men qirandylardyń bolý múmkindigin tekserip shyqty», - dep atap ótti komitetten.
Vedomstvo málimetinshe, Tótenshe jaǵdailar komiteti kúshteri tekserisiniń nátijesinde Jezqazǵan qalasynan 40 shaqyrym jerden negizgi aǵyzǵyshynyń jarma bólshekteri tabylǵan.
«Ony Roskosmos» mamandary alyp ketti. Bólshek qulaǵan jerde radioaktivti jáne himiialyq ahýal normaǵa sai. Qaza tapqandar men zardap shekender joq», - delingen TJK habarlamasynda.
Aita keteiik, keshe 14 saǵat 40 minýt 15 sekýndta Baiqońyr ǵarysh ailaǵynyń Gagarin start alańynan orbitaǵa basqarylatyn kóliktik «Soiýz MS-10» kemesin alyp shyǵýy tiis «Soiýz FG» zymyran tasyǵyshy ushyryldy. Biraq start berilgen soń birneshe minýttan keiin Roskosmos saityndaǵy tikelei kórsetilim úzilip, diktor «zymyran tasyǵyshtyń apatqa ushyraǵanyn» habarlaǵan edi.
Osy kúni tús aýa QR IIM Tótenshe jaǵdailar komitetiniń tóraǵasy Vladimir Bekker ǵaryshkerlerdiń din-aman tabylǵanyn, ekinshi satysy Jezqazǵannan 30-35 shaqyrym jerge qulaýy múmkin ekenin aitqan.
Sonymen qatar ol Ǵarysh kemesi apatyn Qazaqstan men Reseidiń úkimetaralyq komissiiasy tekseretindigin atap ótti.
