Foto: trv-science.ru
Baiqońyrdaǵy Reseige tiesili múliktiń bir bóligi Qazaqstan menshigine ótti. Bul týraly Úkimettiń Múlikti respýblikalyq menshikke qabyldaý týraly qaýlysynda aitylǵan, dep habarlaidy "Ult aqparat".
«1. Osy qaýlyǵa qosymshaǵa sáikes múlik Resei Federatsiiasynyń federaldyq menshiginen respýblikalyq menshikke óteýsiz negizde qabyldansyn.
2. Qazaqstan Respýblikasy Qarjy ministrliginiń Memlekettik múlik jáne jekeshelendirý komiteti Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligimen birlesip, zańnamada belgilengen tártippen osy qaýlynyń 1-tarmaǵynan týyndaityn qajetti is-sharalardy júzege asyrsyn.
3. Osy qaýly qol qoiylǵan kúninen bastap qoldanysqa engiziledi», - delingen qujat mátininde.
Qaýly qosymshasyna súiensek, Qazaqstan menshigine myna múlikter berilgen:
1. 11F647M «Ekran-M» ǵarysh apparaty (zaýyttyq nómiri 79432117), onyń quramdas jáne jinaqtaýshy bólikteri (1 dana, 1991 j. shyǵarylǵan);
2. 11F639.M0000-0-01 qurastyrý-qorǵaý blogy (zaýyttyq nómiri 53781711), onyń jinaqtaýshy elementteri jáne qosalqy qural-saimandary men qurylǵylary (1 dana, 1993 j. shyǵarylǵan);
3. 11N6110 obektilerdi synaý júiesi (1 dana, 1991 j shyǵarylǵan);
4. 8G012M1 júiesi (1 dana, 1986 jyly shyǵarylǵan);
5. 8G013E1 júiesi (1 dana, 1986 jyly shyǵarylǵan).
