Baiqońyr tóńireginde oba indeti tabyldy. Asa qaýipti juqpaly aýrý oryn alǵan jaǵdai týraly qala ákimshiliginiń resmi saitynda habarlandy.
Ákimshilik Baiqońyr turǵyndaryn qala syrtyna shyqqanda abai bolýǵa shaqyrdy. «Qala ákimshiliginiń eskertý jáne tótenshe jaǵdaidy joiý jáne órt qaýipsizdigin qamtamasyz etý jónindegi komissiiasy «Baiqońyr» kesheni aýmaǵynyń tóńiregindegi tabiǵi-oshaqtyq asa qaýipti juqpaly aýrý - oba boiynsha oryn alǵan epidemiologiialyq jaǵdaiǵa bailanysty qala syrtyna shyqqanda saqtyq tanytyp, abai bolýǵa shaqyrady», - delingen habarlamada.
Qalada tótenshe jaǵdaidy joiý jáne eskertý jónindegi komissiianyń kezekten tys otyrysy ótti.
«Keshen boiynsha bas memlekettik sanitarlyq dáriger Sergei Ogar men Resei Federaldy mediko-biologiialyq agenttigi №1 Ortalyq mediko-sanitarlyq bóliminiń bastyǵy mindetin atqarýshy Sergei Romanov jasaǵan baiandamada «Baiqońyr» kesheni aýmaǵynyń tóńireginde tabylǵan tabiǵi-oshaqtyq asa qaýipti juqpaly aýrý - oba boiynsha oryn alǵan epidemiologiialyq jaǵdai týraly málim etildi. Talqylaý nátijesinde is-sharalardy kúsheitý jáne qala turǵyndaryna bolǵan jaǵdai týraly aqparat taratý sheshimi qabyldandy», - dep habarlady qala ákimshiligi.
