Baiqońyr ǵarysh ailaǵynda aýqymdy ekologiialyq aktsiia ótkizý josparlanǵan. Tolyq tazartý tonnalaǵan qoqys jinalǵan toǵyz ýchaskede ótedi.
Jerdi qalpyna keltirý jáne ruqsat etilmegen qoqys poligondaryn joiý jumystary, onyń ishinde № 31 ushyrý alańyndaǵy jumystar Jerdegi ǵarysh infraqurylymy nysandaryn paidalaný ortalyǵynyń (Resei) tapsyrysymen júzege asyrylady.
Jalpy aýmaǵy 278 myń sharshy metr aýmaqty tazartý jumystary júrgiziledi. Aldyn ala málimet boiynsha, Baiqońyrdan tórt myń tonnadan astam qoqys shyǵarylady. Munyń bárin reseilik kompaniialar Reseidiń memlekettik biýdjeti esebinen júzege asyrmaq.
Resei Federatsiiasynyń memlekettik satyp alý portalynda jariialanǵan tehnikalyq tapsyrmaǵa sáikes, jumys tek qorshaǵan ortany qorǵaý úshin uiymdastyrylady. Ýchaskelerde eshqandai qurylys jumystary qarastyrylmaǵan.
Karerlerdi qalpyna keltirmes buryn injenerlik-izdestirý jumystary júrgiziledi. Sanitarlyq-biologiialyq jáne sanitarlyq-parazitologiialyq zertteýler jasalady. Sondai-aq, ýchaskelerdegi radiatsiialyq jaǵdai tekseriledi.
Osy jumystardyń barlyǵyna 1,9 million rýbl (shamamen 30 myń dollar) qarastyrylǵan. Jalpy zertteý aýmaǵy 61 myń sharshy metrdi quraidy. Qazir bul aýmaqtyń jartysynan kóbin qoqys basyp qalǵan.
Jumystyń taǵy bir baǵyty – № 31 ushyrý alańyndaǵy qoqys oryndary. Bul qaldyqtar inertti sanatqa jatpaidy, iaǵni adam ómiri men densaýlyǵy úshin qaýipti emes. Áńgime qurylys qoqystary, beton jáne temir qurylymdar jaily bolyp otyr. Kelisimshart somasy – 3,3 million rýbl (shamamen 52 myń dollar). Jinalǵan metall synyqtary Qazaqstan tarapyna beriledi.
"Bul keibir ǵimarattar men qurylystardy paidalanýdan shyǵarý kezinde paida bolatyn qurylys qaldyqtary. Áńgime zymyrandar, qandai da bir "temir" jaily bolyp otyrǵan joq", - dep naqtylady Sputnik agenttigine MMÝ geografiia kafedrasynyń ekologiialyq qaýipsizdik zerthanasynyń meńgerýshisi Tatiana Koroleva.
Qazaqstanda ornalasqan Baiqońyr ǵarysh ailaǵyn Resei 2050 jylǵa deiin jalǵa alǵan.
