بايقوڭىر عارىش ايلاعىندا اۋقىمدى ەكولوگييالىق اكتسييا ٶتكٸزۋ جوسپارلانعان. تولىق تازارتۋ توننالاعان قوقىس جينالعان توعىز ۋچاسكەدە ٶتەدٸ.
جەردٸ قالپىنا كەلتٸرۋ جەنە رۇقسات ەتٸلمەگەن قوقىس پوليگوندارىن جويۋ جۇمىستارى, ونىڭ ٸشٸندە № 31 ۇشىرۋ الاڭىنداعى جۇمىستار جەردەگٸ عارىش ينفراقۇرىلىمى نىساندارىن پايدالانۋ ورتالىعىنىڭ (رەسەي) تاپسىرىسىمەن جٷزەگە اسىرىلادى.
جالپى اۋماعى 278 مىڭ شارشى مەتر اۋماقتى تازارتۋ جۇمىستارى جٷرگٸزٸلەدٸ. الدىن الا مەلٸمەت بويىنشا, بايقوڭىردان تٶرت مىڭ توننادان استام قوقىس شىعارىلادى. مۇنىڭ بەرٸن رەسەيلٸك كومپانييالار رەسەيدٸڭ مەملەكەتتٸك بيۋدجەتٸ ەسەبٸنەن جٷزەگە اسىرماق.
رەسەي فەدەراتسيياسىنىڭ مەملەكەتتٸك ساتىپ الۋ پورتالىندا جارييالانعان تەحنيكالىق تاپسىرماعا سەيكەس, جۇمىس تەك قورشاعان ورتانى قورعاۋ ٷشٸن ۇيىمداستىرىلادى. ۋچاسكەلەردە ەشقانداي قۇرىلىس جۇمىستارى قاراستىرىلماعان.
كارەرلەردٸ قالپىنا كەلتٸرمەس بۇرىن ينجەنەرلٸك-ٸزدەستٸرۋ جۇمىستارى جٷرگٸزٸلەدٸ. سانيتارلىق-بيولوگييالىق جەنە سانيتارلىق-پارازيتولوگييالىق زەرتتەۋلەر جاسالادى. سونداي-اق, ۋچاسكەلەردەگٸ رادياتسييالىق جاعداي تەكسەرٸلەدٸ.
وسى جۇمىستاردىڭ بارلىعىنا 1,9 ميلليون رۋبل (شامامەن 30 مىڭ دوللار) قاراستىرىلعان. جالپى زەرتتەۋ اۋماعى 61 مىڭ شارشى مەتردٸ قۇرايدى. قازٸر بۇل اۋماقتىڭ جارتىسىنان كٶبٸن قوقىس باسىپ قالعان.
جۇمىستىڭ تاعى بٸر باعىتى – № 31 ۇشىرۋ الاڭىنداعى قوقىس ورىندارى. بۇل قالدىقتار ينەرتتٸ ساناتقا جاتپايدى, ياعني ادام ٶمٸرٸ مەن دەنساۋلىعى ٷشٸن قاۋٸپتٸ ەمەس. ەڭگٸمە قۇرىلىس قوقىستارى, بەتون جەنە تەمٸر قۇرىلىمدار جايلى بولىپ وتىر. كەلٸسٸمشارت سوماسى – 3,3 ميلليون رۋبل (شامامەن 52 مىڭ دوللار). جينالعان مەتالل سىنىقتارى قازاقستان تاراپىنا بەرٸلەدٸ.
"بۇل كەيبٸر عيماراتتار مەن قۇرىلىستاردى پايدالانۋدان شىعارۋ كەزٸندە پايدا بولاتىن قۇرىلىس قالدىقتارى. ەڭگٸمە زىمىراندار, قانداي دا بٸر "تەمٸر" جايلى بولىپ وتىرعان جوق", - دەپ ناقتىلادى Sputnik اگەنتتٸگٸنە ممۋ گەوگرافييا كافەدراسىنىڭ ەكولوگييالىق قاۋٸپسٸزدٸك زەرتحاناسىنىڭ مەڭگەرۋشٸسٸ تاتيانا كورولەۆا.
قازاقستاندا ورنالاسقان بايقوڭىر عارىش ايلاعىن رەسەي 2050 جىلعا دەيٸن جالعا العان.
