Parlament Májilisiniń jalpy otyrysynda «1994 jylǵy 10 jeltoqsandaǵy Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy «Baiqońyr» keshenin jalǵa berý shartyna ózgeris engizý týraly hattamany ratifikatsiialaý týraly» zań jobasy maquldandy, dep habarlaidy QazAqparat.
«Baiqońyr» kesheni Resei Federatsiiasynyń jalǵa alýy jaǵdaiynda 20 jyldan astam ýaqyt boiy jumys istep keledi.
«Jalǵa berý týraly sheshim 1994 jyly qabyldandy, bul kezde Qazaqstannyń aýyr ekonomikalyq jaǵdaida «Baiqońyr» ǵarysh ailaǵyn ustaý jáne paidalaný múmkindigi bolmaǵan edi. Jasalǵan jaldaý shartyna sáikes, Resei Baiqońyr qalasy men ǵarysh ailaǵyn óziniń ǵaryshtyq baǵdarlamalaryn oryndaý úshin paidalaný quqyǵymen ustaý jóninde ózine mindetteme aldy. Jalǵa berý shartyna sáikes «Baiqońyr» kesheni jalǵa berý merzimin kelesi 10 jylǵa uzartý múmkindigimen Resei Federatsiiasyna 20 jylǵa jalǵa berildi», - dep toqtaldy Tsifrlyq damý, innovatsiialar jəne aeroǵarysh ónerkəsibi ministri Baǵdat Mýsin.
Onyń aitýynsha, jalǵa berý shartynan basqa «Baiqońyr» kesheniniń qyzmet etýiniń túrli máselelerin retteitin taǵy 70-ke jýyq halyqaralyq sharttarǵa qol qoiyldy.
«Baiqońyr» ǵarysh ailaǵy saqtalyp, oidaǵydai jumys isteýde. Respýblikalyq biýdjetke jyl saiyn «Baiqońyr» keshenin paidalanǵany úshin 115 mln AQSh dollary somasynda jalaqy túsedi. «Baiqońyr» keshenin jalǵa alǵan 27 jyl ishinde respýblikalyq biýdjetke shamamen 3,1 mlrd AQSh dollary tústi. Taraptardyń ózara múddelerin eskere otyryp, 2004 jyly «Baiqońyr» keshenin jalǵa alý merzimi 2050 jylǵa deiin uzartyldy. Bul rette 2004 jylǵy 9 qańtardaǵy «Baiqońyr» keshenin tiimdi paidalaný jónindegi yntymaqtastyqty damytý týraly memleketaralyq kelisimde Qazaqstannyń ǵarysh ailaǵynda birlesken jobalardy iske asyrýǵa qatysý múmkindikteri, sondai-aq ǵarysh ailaǵyn jańǵyrtý, jańa ekologiialyq qaýipsiz ǵarysh zymyran keshenderi arqyly ǵarysh ailaǵy qyzmetiniń ekologiialyq qaýipsizdigin arttyrý kózdelgen», - dedi ministr.
2020 jylǵy qańtarda qol qoiylǵan Baiqońyr qalasyn damytýdyń uzaq merzimdi baǵdarlamasy ázirlendi jáne iske asyrylýda. Ol kásipkerlikti, týrizmdi damytýdy, injenerlik infraqurylymdy jáne turǵyn úi-kommýnaldyq sharýashylyqty jańǵyrtý jónindegi jumystardy júrgizýdi, qoljetimdi turǵyn úimen qamtamasyz etýdi kózdeidi.
