Foto: Gov.kz
Kazakh Tourism «Baiqońyr» keshenin bolashaqtyń jahandyq platformasyna, oqiǵalyq, ǵylymi jáne ónerkásiptik týrizmniń ordasyna ainaldyrýǵa baǵyttalǵan týrizmdi damytý tujyrymdamasynyń jobasyn usyndy, dep habarlaidy Ult.kz.
Travelpress.kz habarlaýynsha, aty ańyzǵa ainalǵan ǵarysh ailaǵynyń 70 jyldyǵy aiasynda ázirlengen bul qujat zymyrandardy ushyrý aralyǵyndaǵy kezeńderde týristik ekojúieni damytýǵa baǵyttalǵan.
Qujat jobasy «Baikonur: from Silk Way to Milky Way» fasilitatsiialyq sessiiasynda týristik sala, ǵylym, biznes jáne memlekettik sektor ókilderiniń nazaryna usynyldy. Oǵan qatysýshylar turaqty týrlardy damytý, infraqurylymdy jaqsartý, jańa marshrýttar qurý, Baiqońyr brendin nyǵaitý, investitsiialar tartý jáne seriktestikti damytý máselelerin talqylady.
Kazakh Tourism basshysy Qairat Sádýaqasovtyń atap ótýinshe, zymyrandardy ushyrý aralyǵyndaǵy kezeńderde týrlardy damytýǵa nazar aýdarý turaqty týristik aǵymdy qamtamasyz etýge, infraqurylymdy paidalaný tiimdiligin arttyrýǵa jáne keshenniń logistikasyna maýsymdyq júktemeni azaitýǵa múmkindik beredi.
Aita keteiik, 2025 jyly Kazakh Tourism jáne QR Tsifrlyq damý, innovatsiialar jáne aeroǵarysh ónerkásibi ministrliginiń Aeroǵarysh komitetine qarasty «Infraqos» RMK «Baiqońyr» kesheniniń alańdarynda ǵaryshtyq týrizmdi, astrotýrizmdi jáne mádeni-tanymdyq týrizmdi birlesip damytý boiynsha konsortsiým qurǵan bolatyn.
