Baiqońyr qalasyndaǵy kópsalaly aýrýhananyń bas dárigeri biýdjet qarjysyn jymqyrdy degen kúdikke ilindi, - dep habarlaidy Tengrinews.kz tilshisi.
Keshen prokýratýrasy málimetinshe, Resei Federatsiiasy Qylmystyq kodeksiniń 3-baby 160-bóliginde qarastyrylǵan qylmys belgileri boiynsha "Baiqońyr qalasynyń kópsalaly aýrýhanasy" MKK burynǵy basshysyna qatysty qylmystyq is qozǵaýdy zańdy dep tapqan ("Óziniń qyzmettik jaǵdaiyn qoldana otyryp, kinálige senip tapsyrylǵan bireýdiń múlkin iemdený, iaǵni urlaý").
"Baiqońyr" kesheni prokýratýrasynyń tergeýimen 2020 jyldyń jeltoqsanynda Baiqońyr qalasy kópsalaly aýrýhanasynyń bas dárigeri óziniń laýazymdyq jaǵdaiyn paidalana otyryp, ózine syilyqaqy tólemderin zańsyz jazý arqyly osy meditsinalyq mekemege tiesili 2 million 500 myń teńgeden asa nemese 460 myń rýblden asa aqshany jymqyrǵany anyqtaldy", - dedi "Baiqońyr" kesheni prokýratýrasynyń baspasóz qyzmeti ókilderi.
