Foto: Depositphotos.com / PlottyPhoto
Pavlodar oblysynyń ákimi Asaiyn Baihanov óńirdegi masamen kúres tásilin qalai ózgertkenin aitty, dep habarlaidy QazAqparat agenttigi.
«Biyl Pavlodarda jyldaǵydai masa joq. Bul qalai boldy? Siz durys tapsyrma bere aldyńyz ba, álde basqa qupiiasy bar ma», - dep surady BAQ ókili Ortalyq kommýnikatsiialar qyzmetinde ótken brifingide.
Ákimniń aitýynsha, ǵalymdar jaýapty organdarǵa durys nusqaý bere bilgen.
«Shyn máninde masanyń taralýyna yqpal etetin faktor óte kóp. Kún raiy da, dárini ýaqytynda shashý da mańyzdy. Diqandardyń «Jazdyń bir kúni – qystyń myń kúni» deitin sózi bar emes pe?! Iaǵni, bir kún qapy qalsa, búkil maýsym zaia ketedi. Masa máselesinde de osyndai algoritm kerek. Bir kúndi de bos ketirip alýǵa bolmaidy. Sondai durys tapsyrma berý mańyzdy. Bul jerde ǵalymdardyń saýattylyǵy sheshýi faktor boldy», - dedi ol.
Onyń sózine qaraǵanda, buǵan deiin masaǵa qarsy dári áýeden 27 myń gektar alqapqa ǵana shashylyp kelgen. Al biyl masanyń kóbeiýine qolaily dep esepteletin 71 myń gektardan astam alqapqa dári sebilgen.
«Sondai-aq, biz alǵash ret Ertistiń arnasyn ǵana emes, salalaryn da dáriledik», - dedi Asaiyn Baihanov.
