فوتو: Depositphotos.com / PlottyPhoto
پاۆلودار وبلىسىنىڭ ەكٸمٸ اسايىن بايحانوۆ ٶڭٸردەگٸ ماسامەن كٷرەس تەسٸلٸن قالاي ٶزگەرتكەنٸن ايتتى, دەپ حابارلايدى قازاقپارات اگەنتتٸگٸ.
«بيىل پاۆلوداردا جىلداعىداي ماسا جوق. بۇل قالاي بولدى? سٸز دۇرىس تاپسىرما بەرە الدىڭىز با, ەلدە باسقا قۇپيياسى بار ما», - دەپ سۇرادى باق ٶكٸلٸ ورتالىق كوممۋنيكاتسييالار قىزمەتٸندە ٶتكەن بريفينگٸدە.
ەكٸمنٸڭ ايتۋىنشا, عالىمدار جاۋاپتى ورگاندارعا دۇرىس نۇسقاۋ بەرە بٸلگەن.
«شىن مەنٸندە ماسانىڭ تارالۋىنا ىقپال ەتەتٸن فاكتور ٶتە كٶپ. كٷن رايى دا, دەرٸنٸ ۋاقىتىندا شاشۋ دا ماڭىزدى. ديقانداردىڭ «جازدىڭ بٸر كٷنٸ – قىستىڭ مىڭ كٷنٸ» دەيتٸن سٶزٸ بار ەمەس پە?! ياعني, بٸر كٷن قاپى قالسا, بٷكٸل ماۋسىم زايا كەتەدٸ. ماسا مەسەلەسٸندە دە وسىنداي الگوريتم كەرەك. بٸر كٷندٸ دە بوس كەتٸرٸپ الۋعا بولمايدى. سونداي دۇرىس تاپسىرما بەرۋ ماڭىزدى. بۇل جەردە عالىمداردىڭ ساۋاتتىلىعى شەشۋٸ فاكتور بولدى», - دەدٸ ول.
ونىڭ سٶزٸنە قاراعاندا, بۇعان دەيٸن ماساعا قارسى دەرٸ ەۋەدەن 27 مىڭ گەكتار القاپقا عانا شاشىلىپ كەلگەن. ال بيىل ماسانىڭ كٶبەيۋٸنە قولايلى دەپ ەسەپتەلەتٸن 71 مىڭ گەكتاردان استام القاپقا دەرٸ سەبٸلگەن.
«سونداي-اق, بٸز العاش رەت ەرتٸستٸڭ ارناسىن عانا ەمەس, سالالارىن دا دەرٸلەدٸك», - دەدٸ اسايىن بايحانوۆ.
