Resei astanasynda «Máskeý premerasy» halyqaralyq kinofestivaliniń jeńimpazdaryn marapattaý saltanaty boldy, dep habarlaidy "Ult aqparat" Qazaqstannyń Reseidegi Elshiligine silteme jasap.
Ámir Baiǵazinniń «Reka» filmi baiqaýdyń Gran-priin jeńip aldy.
«Máskeý premerasy» festivali 29 qazannan 3 qarashaǵa deiin «Gorizont» kinoteatrynda boldy. Oǵan Qazaqstan, Armeniia, Qyrǵyzstan, Moldova, Ýkraina, Grýziia, Latviia, Estoniia, Resei elderiniń kinomatograftary qatysty.
Festival aiasynda tolyq metrajdy jáne qysqa metrajdy filmderdiń baiqaýy boldy ári «Halyqtar dostyǵy» tsiklinde burynǵy úzdik filmder, birlese shyǵarylǵan kinolar kórsetildi.
Festivalde negizgi qazylar alqasynan bólek, Resei kinoklýbtarynan iriktelip alynǵan qazylar alqasy da kartinalarǵa baǵasyn berip otyrdy. Buǵan deiin 75-shi Venetsiia kinofestivalinde «Kókjiekter» baǵdarlamasynyń «Altyn arystan» júldesin jeńip alǵan «Reka» filmin olar da úzdik dep tanydy.
Qazaqstan atynan Sergei Dvortsevoidyń «Aika» jáne Ádilhan Erjanovtyń «Rieltor» filmderi baiqaýdan tys kórsetilim aiasynda kórermenderge usynyldy.
Qysqa metrajdy filmder baiqaýyna jas rejisserlar Eldar Shibanovtyń «Zoopark» jáne Shuǵyla Serjannyń «Samal» filmderi qatysty.
