رەسەي استاناسىندا «مەسكەۋ پرەمەراسى» حالىقارالىق كينوفەستيۆالٸنٸڭ جەڭٸمپازدارىن ماراپاتتاۋ سالتاناتى بولدى, دەپ حابارلايدى "ۇلت اقپارات" قازاقستاننىڭ رەسەيدەگٸ ەلشٸلٸگٸنە سٸلتەمە جاساپ.
ەمٸر بايعازيننٸڭ «رەكا» فيلمٸ بايقاۋدىڭ گران-پريٸن جەڭٸپ الدى.
«مەسكەۋ پرەمەراسى» فەستيۆالٸ 29 قازاننان 3 قاراشاعا دەيٸن «گوريزونت» كينوتەاترىندا بولدى. وعان قازاقستان, ارمەنييا, قىرعىزستان, مولدوۆا, ۋكراينا, گرۋزييا, لاتۆييا, ەستونييا, رەسەي ەلدەرٸنٸڭ كينوماتوگرافتارى قاتىستى.
فەستيۆال اياسىندا تولىق مەتراجدى جەنە قىسقا مەتراجدى فيلمدەردٸڭ بايقاۋى بولدى ەرٸ «حالىقتار دوستىعى» تسيكلٸندە بۇرىنعى ٷزدٸك فيلمدەر, بٸرلەسە شىعارىلعان كينولار كٶرسەتٸلدٸ.
فەستيۆالدە نەگٸزگٸ قازىلار القاسىنان بٶلەك, رەسەي كينوكلۋبتارىنان ٸرٸكتەلٸپ الىنعان قازىلار القاسى دا كارتينالارعا باعاسىن بەرٸپ وتىردى. بۇعان دەيٸن 75-شٸ ۆەنەتسييا كينوفەستيۆالٸندە «كٶكجيەكتەر» باعدارلاماسىنىڭ «التىن ارىستان» جٷلدەسٸن جەڭٸپ العان «رەكا» فيلمٸن ولار دا ٷزدٸك دەپ تانىدى.
قازاقستان اتىنان سەرگەي دۆورتسەۆويدىڭ «ايكا» جەنە ەدٸلحان ەرجانوۆتىڭ «ريەلتور» فيلمدەرٸ بايقاۋدان تىس كٶرسەتٸلٸم اياسىندا كٶرەرمەندەرگە ۇسىنىلدى.
قىسقا مەتراجدى فيلمدەر بايقاۋىنا جاس رەجيسسەرلار ەلدار شيبانوۆتىڭ «زووپارك» جەنە شۇعىلا سەرجاننىڭ «سامال» فيلمدەرٸ قاتىستى.
