Eljandylyq degen uǵym «Týǵan jerge týyńdy tik!» degen uǵymǵa saiady. Elbasymyzdyń «Týǵan jer» baǵdarlamasy – jalpyulttyq patriotizmniń ózegi. Ólketaný, eldi mekenderdi abattandyrý, tarihi eskertkishter men mádeni nysandardy qalpyna keltirý – týǵan jerdiń qaitalanbas qundylyqtary. Árbir jer ataýlaryna bailanysty el jadynda saqtalǵan ǵajaiyp ańyzdar men áńgimelerge deiin mán berý – búgingi urpaqtyń mindeti.
Báidibek aýdanynda qoǵamdyq sanany jańǵyrtý bastamasyndaǵy is-sharalar josparynda «Týǵan jer» baǵyty boiynsha birneshe aýqymdy ister jasalynbaq. Atap aitqanda, aýdan aýmaǵyndaǵy barlyq eldi mekenderdiń tarihyn, jer-sý attaryn, tabiǵatyn, tarihi-mádeni eskertkishterin, folkloryn zerttep, materialdar jinaqtaý qolǵa alynǵan. Ár eldi mekenniń tarihy, jer-sý attary, tabiǵaty, tarihy, mádeniet eskertkishteri, sol aýylda týylǵan tanymal tulǵalar týraly jinaqtalǵan materialdardy paidalana otyryp, mektepterde qosymsha bilim berýdi júzege asyrý kózdelgen. Ár óńirden, aýyldan túlep ushqan elge, óńirge tanymal tulǵalar, metsenattar, kásipkerler, óner ieleriniń tizimin jasaqtaý – igi isterdiń basy. «Týǵan jer» jobasy boiynsha demeýshilik jasaýǵa niet bildirgen azamattarmen jumystar júrgizý, olardy tarta otyryp, týǵan jerlerin, oqyǵan mektepterin kórkeitý, abattandyrý jumystaryna demeýshilik jasaýdy jáne turmysy tómen otbasylarǵa qaiyrymdylyq kómek kórsetýdi uiymdastyrý tiisti qyzmetkerlerge júktelgen.
Bul baǵytta búgingi kúni týǵan jerge demeýshilik jasaý arqyly «Shaian» kópsalaly litseii janynan fýtbol alańy, Alǵabas, Jańatalap, Keńestóbe, Joǵarǵy Boraldai aýyldaryna qaqpa ornatylsa, Abai atyndaǵy jalpy orta mektebi aldyna asfalt tóseldi. Tasqudyqta balalar oiyn alańy, Júzimdikte balalar saiabaǵy paidalanýǵa berildi. Osy baǵyttaǵy jumystar aldaǵy ýaqytta da jalǵasyn tabatyn bolady. Endigi kezekte ár aýyldaǵy mektepterge sol bilim oshaǵynyń túlegi, elge, óńirge eńbegi sińgen, tanymal tulǵalar, metsenattar, kásipkerler, óner ielerine arnalǵan qurmet taqtasyn nemese burysh jasap, óskeleń urpaqqa úlgi etý mindeti tur.
Jastardyń boiyna óz eline degen maqtanysh pen Otanǵa degen súiispenshilikti qalyptastyrýǵa baǵyttalǵan tárbie saǵattaryn turaqty túrde ótkizý, oqýshylarǵa tarihi eskertkishter men mádeni nysandarǵa ekskýrsiialar uiymdastyrý da júieli júrgizile bastady. Mádeniet mekemeleri men eldi mekenderde «Ólkemizdiń dara tulǵalary» atty aqyn-jazýshylardyń, shyǵarmashylyq, ádebi keshter, kitap kórmelerin, «Bir el – bir kitap», «Bir ólke – bir kitap» aktsiialaryn, murajai qoryn baiyta túsý maqsatynda «Óshpes mura» atty aktsiiasyn, «Darhan dalam» atty sýretshiler kórmesin, «Týǵan jer», «Aýylym – altyn besigim» óner festivalderin, «Ónerim saǵan – aýylym» atty kontserttik baǵdarlamany, aýyldarǵa gastroldik issaparlardy uiymdastyrý josparlanǵan.
Jobadaǵy taǵy bir atap ótetin másele, «Ajarly úi – yrysty» dep atalatyn erekshe is-shara uiymdastyrylyp otyr. Bul is-sharanyń eń basty maqsaty - árbir turǵyn óz menshigindegi ǵimaratty retke keltirip, qorshaýlardyń, sharbaqtardyń syrtqy jaǵyn boiaý, ákteý, irgeles aýmaqtardy jinaý, qasbetterin jańartý jónindegi sharalardy júzege asyrýǵa tiis. Halqymyzda «Otan - otbasynan bastalady» degen naqyl sóz bar. Otbasy jiyny eldi mekendi, al, eldi mekender jiyntyǵy tutas memleketimizdi quraidy. Árqaisysymyz óz úiimizdi retke keltirý arqyly elimizdiń kórkin asha túsýge úles qosýymyz qajet.
Maqsat Qarǵabai,
Báidibek aýdany.
