Túrkistan oblysynyń politseileri kezekti kókpar uiymdastyrýshylardy jaýapqa tartty, dep habarlaidy "Ult aqparat" oblystyq politsiia departamentine silteme jasap.
Turǵyndardyń karantin talaptaryn saqtaýynyń aldyn alý boiynsha reid turaqty túrde ótip jatyr. Osyndai kezekti shara barysynda Báidibek aýdanynyń politseileri karantin men sanitarlyq-epidemiologiialyq normalardy buzǵan turǵyndardy anyqtady.
Bógen aýyldyq okrýgindegi erkin jaiylymdardyń birinde Báidibek APB qyzmetkerleri jergilikti turǵynnyń as berý qurmetine kókpar uiymdastyrǵanyn anyqtady.
Tártip saqshylary is-sharaǵa qatysýshylarǵa karantin talaptaryna buzbaý kerektigin túsindirdi. Sondai-aq shekteý sharalaryn buza otyryp, 100-ge jýyq adamdy jinaǵan kókpar uiymdastyrýshylaryn jaýapqa tartty.
Is-sharany uiymdastyrýshylarǵa qatysty QR ÁQBtK 425-baby boiynsha ákimshilik hattama toltyryldy. Jinalǵan materialdar tiisti zańdy sheshim qabyldaý úshin quzyretti organdarǵa jiberildi.
Esterińizge sala keteiik, bas memlekettik sanitar dárigerdiń qaýlysyna sáikes Túrkistan oblysynyń aýmaǵynda halyq arasynda koronavirýs infektsiiasy taralmas úshin karantin rejimi engizilgen.
Oblysta politsiia qyzmetkerlerinen, SES jáne jergilikti atqarýshy organ ókilderinen turatyn mobildi toptar quryldy.
Óz kezeginde Túrkistan oblysynyń politseileri azamattardy karantin rejimin qatań saqtaýǵa, meditsinalyq betperde kiiýge, antiseptik qoldanýǵa jáne áleýmettik qashyqtyqty saqtaýǵa shaqyrady.
Sondai-aq, egde jastaǵy turǵyndar men balalar shuǵyl qajettiliksiz úiden shyqpaýy kerek.
