Túrkistan oblysy, Báidibek aýdanyndaǵy sýy tasyǵan aryq-atyzdardyń arnalary qalpyna keltirilip, qaýip seiildi. Bul týraly aýdan ákimdigi málimet taratty, habarlaidy "Ult aqparat".
Aita keteiik, 13 mamyr kúni bolǵan qatty jaýyn-shashyn saldarynan Turaqty eldi mekenindegi «Tutaryq» kanaly tórt jerinen buzylyp, aýyldy sý basqan bolatyn. Aýdandyq tótenshe jaǵdailar bólimi, ákimdik qyzmetkerleri, tártip saqshylary men aýyl turǵyndary birlese eldi mekenge kirgen ózen sýynyń arnasyna burǵan. Der kezinde tiisti aldyn alý sharalary júrgizilgen. Sonymen qatar osy Tutaryq kanalyndaǵy kishigirim buzylǵan arnalarǵa da qum tóselip, qaptarmen bógetter jasalyp, jabylǵan. Sai-sala arqyly jáne sýmen aǵyp kelgen aǵash butalary, basqa da turmystyq qaldyqtar syrtqashyǵaryldy. Qalpyna keltirý jumystaryna 3 tehnikamen aýdandaǵy birqatar bólim, mekeme qyzmetkerleri, belsendi aýyl turǵyndary jumyldyrylǵan.
