Foto: Gov.kz.
Báidibek aýdanynda aldaǵy 4 jylda investitsiialyq quny 25 mlrd teńgeni quraiyn 27 iri joba iske asyrylmaq. 2025 jyly jalpy quny 7,6 mlrd teńgeni quraityn «Korporatsiia ERNUR» JShS-ń 860 myń basqa arnalǵan qus fabrikasy iske qosylatyn bolady, dep habarlaidy «Ult aqparat».
Onda jylyna 200 mln jumyrtqa shyǵarylyp, 45 adamdy jumyspen qamtý kútilýde. Sonymen qatar, óńirdegi Boraldai aýyldyq okrýginde «Shaian» indýstrialdy aimaǵyn qurý jumystary júrgizilýde. Jyl sońyna deiin travertin tasyn óńdeitin «Ramirta» JShS-i ornalasyp, 44 adam turaqty jumyspen qamtylmaq. 2025 jyly taǵy da travertin tasyn shyǵaratyn ekinshi kásiporynnyń jer telim qujattary daiyndalyp, iske qosý kózdelip otyr. Bul jaiynda Báidibek aýdanynyń ákimi Erlan Nurmahanov BAQ ókilderimen ótken brifingte málimdedi.
«Báidibek aýdanynda 2024 jyldyń 10 aiynda jalpy óńirlik ónim kólemi 57,6 mlrd teńgeni qurady. Bul ótken jyldyń tiisti kezeńimen salystarǵanda 9,4%-ǵa joǵary. Sondai-aq, jyl basynan beri aýdannyń negizgi kapitalyna 24 mlrd teńge investitsiia tartyldy. Jyl qorytyndysymen kórsetkishti 29,4 mlrd teńgege jetkizý kózdelip otyr. Aýyl sharýashylyq salasynda da aýyz toltyryp aitarlyq jańalyq jeterlik. Búgingi kúnge deiin atalǵan saladaǵy ónim kólemi 31,1 mlrd teńgege jetti» - dedi spiker.
Búgingi tańda aýdanda shaǵyn jáne orta kásipkerlik nysandarynyń sany 5 520 birlikti qurap otyr. Sonymen qatar, el Prezidentiniń «10 myń turǵynǵa 100 turaqty jumys oryndaryn ashý» jónindegi tapsyrmasynyń aiasynda aýdanda biyl 401 jumys orny ashylǵan. Aita keteiik, aýdandaǵy jalpy halyqtyń 18 myńy ekonomikalyq belsendi. Onyń ishinde 17 myń azamat turaqty jumyspen qamtylǵan.
Aýdandaǵy infraqurylym salasynda da birqatar oń ózgerister bar. Búgingi tańda aýdandaǵy tabiǵi gazben qamtamasyz etý kórsetkishi 62,1% bolsa, jyl sońyna deiin nátijeni 86%-ǵa jetkizý kózdelip otyr. Sonymen qatar, aýdan turǵyndarynyń 97,8%-y taza aýyz sýmen qamtylǵan. Sondai-aq, aýdanda 2024 jyly «Ońtústik Jaryq Tranzit» seriktestiginiń investitsiialyq baǵdarlamasyna sáikes, 5 eldi mekende 13 shaqyrym áýe jelileri men 512 baǵana ornatylǵan.
