Seisenbi, 21 qyrkúiekte BUU Bas assambleiasynyń minberinen alǵash ret sóz sóilegen AQSh prezidenti Djo Baiden AQSh-tyń Aýǵanstannan ásker áketýin durys qadam dep baǵalap, Aq úi endigári ǵalamdyq máselelerdi diplomatiia joldarymen sheshýge den qoiady dep málimdedi. Bul týraly "Ult aqparat" Azattyqqa silteme jasap habarlaidy.
"Biz Aýǵanstanda 20 jylǵa sozylǵan soǵysty aiaqtadyq, úzdiksiz soǵys kezeńin támamdap, úzdiksiz diplomatiia kezeńine qadam basamyz" dedi Baiden.
Aýǵanstannan ásker áketý boiynsha odaqtastary tarabynan synǵa ushyraǵan Baiden AQSh áskeri "álemde kezikken kez kelgen máselege "jaýap" retinde paidalanylmaýy tiis" dedi.
"Missiia aiqyn ári qoldan keletindei bolýy tiis, Amerika halqynyń ruqsaty men múmkindiginshe odaqtastarymyzdyń kómegimen júzege asyrylýy tiis" dedi ol.
Baiden AQSh ótken shaqtyń soǵystaryn soza berýdiń ornyna koronavirýs, ǵalamdyq jylyný, adam quqyǵynyń buzylýy siiaqty ǵalamdyq máselelerdi sheshýge kóbirek den qoiady dedi.
AQSh prezidenti túrli daǵdarystar kezeńinde álem betburysqa taiady, máseleni sheshý adamzat bolyp birigip, jumyla áreket etýimizge bailanysty dedi.
Baidenniń ustanymy ózine deiin prezident bolǵan Donald Tramptyń "Birinshi kezekte Amerika" degen doktrinasyna qaishy.
Buryn Bas assambleianyń otyrysy koronavirýsqa bailanysty onlain-formatta ótken. Biyl oǵan qatysýshylar Niý-Iorkke jinaldy. Biraq karantinge bailanysty qatysýshylar toby qysqartyldy.
