Memleket basshysy Qasym-Jomart Toqaevtyń atyna AQSh Prezidenti Djozef Baidennen hat kelip tústi, - dep habarlaidy "Ult aqparat" Aqorda saityna silteme jasap.
Qazaqstan Prezidentiniń atyna kelgen hatta Djozef Baiden Semei iadrolyq poligonynyń jabylǵanyna otyz jyl tolýyna orai quttyqtaýyn jetkizgen.
"29 tamyz kúni Semei iadrolyq poligonynyń jabylǵanyna 30 jyl tolýyna orai Amerika Qurama Shtattarynyń atynan Qazaqstan Respýblikasynyń halqyna eń izgi quttyqtaýymdy bildirgim keledi. Amerika Qurama Shtattary burynǵy synaq poligony aimaǵyn qalpyna keltirý men onyń qaýipsizdigin qamtamasyz etý boiynsha Sizdiń Úkimetińizben aradaǵy jalǵasyp jatqan yntymaqtastyqty qosa alǵanda, Qazaqstanmen berik seriktestigin nyǵaita bermek. Amerika Qurama Shtattary Qazaqstannyń táýelsizdik alǵan alǵashqy kúninen bastap Semei aimaǵynda áriptestik qarym-qatynasta jumystar atqaryp keledi", - dep jazdy AQSh prezidenti.
