مەملەكەت باسشىسى قاسىم-جومارت توقاەۆتىڭ اتىنا اقش پرەزيدەنتٸ دجوزەف بايدەننەن حات كەلٸپ تٷستٸ, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
قازاقستان پرەزيدەنتٸنٸڭ اتىنا كەلگەن حاتتا دجوزەف بايدەن سەمەي يادرولىق پوليگونىنىڭ جابىلعانىنا وتىز جىل تولۋىنا وراي قۇتتىقتاۋىن جەتكٸزگەن.
"29 تامىز كٷنٸ سەمەي يادرولىق پوليگونىنىڭ جابىلعانىنا 30 جىل تولۋىنا وراي امەريكا قۇراما شتاتتارىنىڭ اتىنان قازاقستان رەسپۋبليكاسىنىڭ حالقىنا ەڭ ٸزگٸ قۇتتىقتاۋىمدى بٸلدٸرگٸم كەلەدٸ. امەريكا قۇراما شتاتتارى بۇرىنعى سىناق پوليگونى ايماعىن قالپىنا كەلتٸرۋ مەن ونىڭ قاۋٸپسٸزدٸگٸن قامتاماسىز ەتۋ بويىنشا سٸزدٸڭ ٷكٸمەتٸڭٸزبەن اراداعى جالعاسىپ جاتقان ىنتىماقتاستىقتى قوسا العاندا, قازاقستانمەن بەرٸك سەرٸكتەستٸگٸن نىعايتا بەرمەك. امەريكا قۇراما شتاتتارى قازاقستاننىڭ تەۋەلسٸزدٸك العان العاشقى كٷنٸنەن باستاپ سەمەي ايماعىندا ەرٸپتەستٸك قارىم-قاتىناستا جۇمىستار اتقارىپ كەلەدٸ", - دەپ جازدى اقش پرەزيدەنتٸ.
