Foto ©REUTERS
Brent jáne WTI markaly munaidyń álemdik baǵasy 5 paiyzǵa arzandady, - dep habarlaidy Tengrinews.kz tilshisi Reuters agenttigine silteme jasap.
Nur-Sultan ýaqytymmen saǵat 10:50-degi jaǵdai boiynsha Brent markaly munaidyń mamyrdaǵy fiýchersteri barreline 107,98 dollarǵa deiin, maýsym fiýchersteri barreline 106,22 dollarǵa deiin tómendedi. AQSh-tyń WTI munaiynyń mamyr aiyndaǵy fiýchersteri barreline 101,76 dollarǵa deiin tómendedi.
Munai baǵasyna qysym AQSh prezidenti Djo Baidenniń AQSh strategiialyq munai qorynan (SPR) 180 million barrelge deiin bólý múmkindigin jariialaǵan málimdemesi arqyly jasaldy.
Agenttiktiń málimetinshe, amerikalyq kóshbasshy keiinirek Resei Ýkrainaǵa basyp kirgennen beri rekordtyq deńgeige jetken benzin baǵasyn tómendetýge baǵyttalǵan jospar týraly málimdeme jasaidy.
"Eger ol dál solai bolyp shyqsa, bul mańyzdy. Tapshylyqty belgili bir dárejede toltyrýǵa kómektesedi, biraq bárin emes", - dedi ING taýar strategiiasynyń basshysy Ýorren Patterson.
Aita keteiik, Resei - Saýd Arabiiasynan keiingi álemdegi ekinshi iri munai eksporttaýshy, biraq Ýkrainamen bolyp jatqan jaǵdailardan keiin salynǵan sanktsiialar elden keletin aǵyndardy úzip, baǵanyń ósýine ákeldi.
