Resei Ýkrainaǵa basyp kirgen shaqta AQSh prezidenti Djo Baiden Amerika azamattarynyń iadrolyq soǵys jóninde alańdaýyna negiz joq dep málimdedi. Bul týraly Azattyq habarlady.
27 aqpanda Resei prezidenti Vladimir Pýtin Resei iadrolyq qarýyn arnaiy tártipke kóshirýdi buiyrǵan. 28 aqpanda Aq úide sóilegen Djo Baiden AQSh iadrolyq qarý daiyndyǵynyń deńgeiin ózgertpeitinin aitty.
"Bul másele boiynsha jeke kózqarasymyz ben baǵamyzdy ózgertken joqpyz. Biraq dese de onyń (prezident Vladimir Pýtin - Azattyq) qoqan-loqyny qalai paidalanatynyn shynaiy baǵalaý kerek" dedi Aq úidiń baspasóz hatshysy Djen Psaki MSNBC suhbatynda.
AQSh iadrolyq qarýdy daiyndyq rejimine kóshirgen Resei basshysy osylaisha "Ýkrainaǵa qatysty agressiiasyn aqtaýǵa tyrysyp otyr" dep sanaidy.
"Iadrolyq soǵysta jeńý degen joq jáne eshqashan soǵysqa jol bermeý kerek. Bizdiń oiymyzsha, iadrolyq qarýǵa qatysty arandatý sipatyndaǵy saryn qaýipti jáne jańylý qaýpin zoraitady. Odan aýlaq bolǵan durys jáne biz bul máseleni burmalamaimyz" dedi Aq úide.
Prezident Djo Baiden 28 aqpanda AQSh odaqtastarymen birge telefon arqyly kelissóz júrgizip, iadrolyq qaýip-qaterge kez kelgen jolmen tótep berý qajettiligin talqylaǵan. Baidenniń sózine Kanada, Frantsiia, Germaniia, Italiia, Polsha, Rýmyniia, Ulybritaniia jáne NATO men Eýroodaqtyń joǵary laýazymdy tulǵalary qosylǵan.
Resei qorǵanys ministrligi buǵan deiin zymyran-iadrolyq kúshteri men Soltústik jáne Tynyq muhity floty kúsheitilgen rejimge kóshkenin habarlaǵan.
