AQSh prezidenti Djo Baiden men Qytai basshysy Si Tszinpinniń onlain kezdesýi.
AQSh prezidenti Djo Baiden men Qytai basshysy Si Tszinpin telefonmen uzaq áńgimelesti. Erkin Aziia radiosy úsh saǵattan astam ýaqytqa sozylǵan dialog jóninde "Baiden men Si videosammiti iri qaishylyq jaǵdaiynda jyly atmosferada ótti" degen taqyrypta maqala basty. Eki basshy Tibet, Gonkong, Shyńjań máselesin talqylaǵan, dep jazady Azattyq.
Eki iri derjava arasyndaǵy "saýda soǵysy da" aitylǵan. Pekinniń demokratiialyq Taivan aýmaǵyna qol suǵýy da sóz bolǵan. Qytai kommýnistik partiiasynyń adam quqyǵyn buzýyna da nazar aýdarylǵan.
Sarapshylar 2021 jyly qańtarda Djo Baiden Aq úige kelgeli beri eki basshynyń alǵash ret uzaq sóileskenin aityp otyr.
Aq úidiń kelissóz qorytyndysy jóninde taratqan málimdemesinde AQSh óz múddeleri men qundylyqtaryn budan ári qarai da qorǵai beretini jazylǵan. Vashington odaqtastary men áriptesterimen birge 21-ǵasyrda erejelerdiń saqtalýyn qamtamasyz etýge kúsh salady.
"Amerika daýysy" saity Baiden Taivan boiynsha aldyńǵy málimdemesin sál jumsartqanǵa uqsaidy dep topshylaidy. Máselen, Aq úi AQSh "bir Qytai" saiasatyn qoldaidy, Taivan táýelsizdigi men "Taivan buǵazynda beibitshilik pen turaqtylyqqa nuqsan keltiretin birjaqty áreketke qarsy" dep málimdegen.
