Amerika Qurama Shtattarynyń Prezidenti Djozef Baiden Qazaqstan Respýblikasynyń Prezidenti Qasym-Jomart Toqaevtyń atyna el táýelsizdiginiń 30 jyldyq mereitoiyna orai quttyqtaý joldady, dep habarlaidy QR SIM baspasóz qyzmeti.
«Qazaqstannyń Ortalyq Aziiada búkilálemdik beibitshilik, turaqtylyq pen gúldenýdi saqtaý jolynda kósh bastap kele jatqanynyń 30 jyldyq mereitoiy qarsańyndaǵy qýanyshyńyzǵa ortaqpyn», – dep jazdy amerikalyq kóshbasshy.
Onyń pikirinishe, aldaǵy ýaqyttaǵy yqpaldastyq eki eldiń halyqtary úshin jańa jahandyq syn-qaterlerdi eńserýge múmkindik beredi.
Osy oraida ol Ortalyq jáne Ońtústik Aziia óńirlerindegi ózara bailanystar men ekonomikalyq ósýge yqpal etý boiynsha «Qazaqstannyń orasan zor kúsh-jigerin» joǵary baǵalady.
«Amerika Qurama Shtattary Qazaqstanmen keńeitilgen strategiialyq seriktestikti jáne óńirlik turaqtylyqty ilgeriletý, klimattyq daǵdarysty sheshý, demokratiialyq institýttardyń tiimdiligin arttyrý men adam quqyqtaryn qurmetteýdi damytý boiynsha yntymaqtasýǵa nietti», - dep málimdedi AQSh Prezidenti.
