AQSh prezidenti sailaýynda ózin jeńimpaz etip jariialaǵan Djo Baiden elde koronavirýstan qaitys bolatyndar sany artýy múmkin ekenin boljady. Onyń aitýynsha, 2021 jylǵy qańtarda elde taǵy 250 myń adam kóz jumýy múmkin, - dep habarlaidy DW basylymy.
"Men eshkimdi qorqytqym kelmeidi, biraq sizder mán-jaidy túsinińizder: qazirgi kún men qańtar aralyǵynda biz taǵy 250 myń adamnan aiyrylyp qalýymyz múmkin", - dedi saiasatker shaǵyn kásiporyndardyń qyzmetkerleri men ieleri qatysqan onlain-konferentsiiada.
Degenmen Baiden mundai boljam nege negizdelip aitylǵanyn atamady.
