© AP Photo / Andrew Harnik
AQSh prezidenti Djo Baiden 2024 jyly prezident sailaýyna túsetinin málimdedi, dep habarlaidy QazAqparat.
Euronews-tiń jazýynsha, buǵan deiin Aq úidiń 80 jastaǵy basshysy óz laýazymy úshin básekege túsýdi josparlap otyrǵanyn birneshe ret aitqan. Qazirgi ýaqytta demokrattar lagerinde onyń birde-bir salmaqty qarsylasy joq. Osyǵan qaramastan, BAQ-tyń habarlaýynsha, múddelester qatarynda Baidenniń kandidatýrasy asa shabytsyz qabyldanǵan.
Bi-Bi-Si-diń málimetinshe, Baiden prezident sailaýyna túsetini jóninde úsh minýttyq video jariialady. Video «erkindik» sózimen bastalady.
Rolikte Baiden abortqa ruqsat berý, demokratiia men sailaý quqyǵyn qorǵaý, amerikalyqtarǵa áleýmettik kepildik berýdi óz kampaniiasynyń basym baǵyty retinde sanaitynyn atap ótti.
AQSh basshysynyń málimdeýinshe, daýys berýshilerde keleshek urpaqqa «kóbirek ne azyraq erkindik», «kóbirek ne azyraq quqyq» qaldyrýǵa tańdaý bolady.
«Amerikalyqtardyń ár urpaǵy demokratiiany qorǵaýǵa, jeke bas erkindigi úshin kúresýge, sóz bostandyǵy men azamattyq quqyq úshin kúresýge týra kelgen sátti bastan ótkerdi. Osyndai sát biz úshin de týyndap otyr», - dedi Baiden.
