QR premer-ministri Baqytjan Saǵyntaev úkimet otyrysynda baiandamany tyńdamai, óz betimen otyratyn ministrlerdi synady, dep habarlaidy Sputnik Qazaqstan tilshisi.
Búgin úkimettiń kezekti otyrysynda Almaty aglomeratsiiasyn damytý máselesi qaraldy. Kún tártibindegi másele boiynsha ońtústiktegi megapolis basshysy Baýyrjan Baibek baiandama jasady. Qala ákimi bilim jáne ǵylym ministrliginiń jaibasarlyǵynan bas jospardy bekite almai otyrǵanyn aityp shaǵymdandy.
"Bas josparǵa ózgerister engizý boiynsha. Eki jyldan astam ýaqyt seismikalyq mikroaýdandarǵa bólý kartasy ázirlenýde. Biraq ol bilim jáne ǵylym ministrligi tarapynan áli qarastyrylyp jatyr. Bas jospardy biz osyǵan bailanysty bekite almai otyrmyz. Bilim jáne ǵylym ministrligindegi áriptester tarapynan máseleni tezdetýdi suraimyz", — dedi ákim.
Baibektiń baiandamasynan keiin úkimet basshysy bilim jáne ǵylym ministri Erlan Saǵadievten osy máselege qatysty jaýap berýdi surady.
"Erlan Kenjeǵaliuly, jaýap berińiz. Ne sebepti kesheýildep jatyr? Ákim baiandamasynda qaýly jobasy kelisýden ótpei jatyr dep aityp ótti, — dedi Saǵyntaev ministrge qarap.
Alaida Saǵadiev myrza baiandamany tyńdamaǵan bolýy kerek, Saǵyntaevtyń ne surap otyrǵanyn da túsinbei, jan-jaǵyna jaltaqtady.
"Baiandamany tyńdamaisyz ǵoi… Jaraidy, baiandama kim úshin aitylyp otyr sonda? Úkimette ne úshin talqylaýǵa salamyz, eger de onyń bárin tyńdamaityn bolsa", — dep ashýlandy Saǵyntaev.
