Baianaýyl aýdanynyń ákimi Qanat Kárimov áleýmettik jelide aýdan turǵyndary men qonaqtaryna úndeý joldady, dep habarlaidy "Ult aqparat".
«Tótenshe jaǵdai rejimin alyp tastaǵanyna qaramastan, bizdiń oblystaǵy epidemiologiialyq jaǵdai da ózekti bolyp qalýda. Ózimiz ben ainaladaǵy adamdardy koronavirýstan saqtaý úshin qaýipsizdik sharalaryn saqtaý kerek, - deidi Qanat Kárimov.
«Baianaýyl aýdanynyń bas sanitarlyq dárigeriniń qaýlysyna sáikes, 16 maýsym saǵat 00-den bastap Baianaýyl, Jasybai, Sabyndykól, Toraiǵyr, Birjankól demalys aimaǵynyń barlyq demalys úileri men jaǵajailary sanitarlyq-epidemiologiialyq jaǵdai jaqsarǵanǵa deiin jabyldy. Bul - birinshi kezekte ózimizdiń amandyǵymyz úshin óte mańyzdy», dep tolyqtyrdy ákim.
