Belgili qazaqstandyq prodiýser Baian Alagózova Instagram-daǵy paraqshasynda Almaty qalasy sotynyń sýdiasyn "sot júiesi týraly" barlyq shyndyqty aityp beremin dep qorqytty, dep jazady sputniknews.kz.
Sot sheshimin kútip otyrǵan prodiýser mundai post jazýǵa amalsyzdan barǵanyn atap ótti.
"Dúisenbide sot sheshimi shyǵady, eger ol ádil bolmasa (ol solai bolatyn tárizdi), sot júiesi týraly, sot talqylaýy nege súienetini jáne olardyń tikelei oryndaýshylary týraly bar shyndyqty aitamyn. Sonymen qatar qol bermeiinshe, sotty jeńý múmkin emes ekenin jaiyp salamyn",- dep jazdy Baian Alagózova.
Ol aty atalmaǵan Almaty qalasy Bostandyq aýdandyq sotynyń sýdiasy osy jazbany oqyp, ispen taǵy bir márte tanysyp, sheshim qabyldaýǵa asyǵystyq tanytpaitynyna senim bildirdi.
"Áitpese bul isti jurtqa jariialap, joǵary turǵan organdardy ádildikke shaqyrýyma týra keledi. Óitkeni sýdianyń qolda bar aiǵaqtarǵa qaramastan, osynshalyq asyǵys sheshim qabyldaýynan qomaqty qarjy tólengeni kórinip turǵandai. Bul posty amalsyzdan jariialap otyrmyn, sebebi sýdia birde-bir ótinishhatty qabyldamady, jaýap ta bermedi. Barlyq ótinishti jáne eń mańyzdy júz paiyzdyq aiǵaqty elemei otyr", — dep jazdy prodiýser.
Degenmen, Baian Alagózova áńgime qandai sot sheshimi jaiynda ekenin aitpaǵan.
