بەلگٸلٸ قازاقستاندىق پروديۋسەر بايان الاگٶزوۆا Instagram-داعى پاراقشاسىندا الماتى قالاسى سوتىنىڭ سۋدياسىن "سوت جٷيەسٸ تۋرالى" بارلىق شىندىقتى ايتىپ بەرەمٸن دەپ قورقىتتى, دەپ جازادى sputniknews.kz.
سوت شەشٸمٸن كٷتٸپ وتىرعان پروديۋسەر مۇنداي پوست جازۋعا امالسىزدان بارعانىن اتاپ ٶتتٸ.
"دٷيسەنبٸدە سوت شەشٸمٸ شىعادى, ەگەر ول ەدٸل بولماسا (ول سولاي بولاتىن تەرٸزدٸ), سوت جٷيەسٸ تۋرالى, سوت تالقىلاۋى نەگە سٷيەنەتٸنٸ جەنە ولاردىڭ تٸكەلەي ورىنداۋشىلارى تۋرالى بار شىندىقتى ايتامىن. سونىمەن قاتار قول بەرمەيٸنشە, سوتتى جەڭۋ مٷمكٸن ەمەس ەكەنٸن جايىپ سالامىن",- دەپ جازدى بايان الاگٶزوۆا.
ول اتى اتالماعان الماتى قالاسى بوستاندىق اۋداندىق سوتىنىڭ سۋدياسى وسى جازبانى وقىپ, ٸسپەن تاعى بٸر مەرتە تانىسىپ, شەشٸم قابىلداۋعا اسىعىستىق تانىتپايتىنىنا سەنٸم بٸلدٸردٸ.
"ەيتپەسە بۇل ٸستٸ جۇرتقا جارييالاپ, جوعارى تۇرعان ورگانداردى ەدٸلدٸككە شاقىرۋىما تۋرا كەلەدٸ. ٶيتكەنٸ سۋديانىڭ قولدا بار ايعاقتارعا قاراماستان, وسىنشالىق اسىعىس شەشٸم قابىلداۋىنان قوماقتى قارجى تٶلەنگەنٸ كٶرٸنٸپ تۇرعانداي. بۇل پوستى امالسىزدان جارييالاپ وتىرمىن, سەبەبٸ سۋديا بٸردە-بٸر ٶتٸنٸشحاتتى قابىلدامادى, جاۋاپ تا بەرمەدٸ. بارلىق ٶتٸنٸشتٸ جەنە ەڭ ماڭىزدى جٷز پايىزدىق ايعاقتى ەلەمەي وتىر", — دەپ جازدى پروديۋسەر.
دەگەنمەن, بايان الاگٶزوۆا ەڭگٸمە قانداي سوت شەشٸمٸ جايىندا ەكەنٸن ايتپاعان.
