Din isteri jáne azamattyq qoǵam ministrliginiń komitet basshysynyń orynbasary Baýyrjan Mýsinniń qamaý merzimi uzartyldy, - dep habarlaidy kaz.tengrinews.kz tilshisi.
Baýyrjan Mýsinniń advokaty Nurlan Beisekeev qorǵalýshysynyń qamaý merzimi 30 maýsymǵa deiin uzartylǵanyn aitty. Sondai-aq, kúdiktiniń advokaty Astana qalasynyń qylmystyq ister boiynsha apelliatsiialyq sotyna shaǵym túsirgenin aitty.
"Astana qalasynyń qylmystyq ister boiynsha apelliatsiialyq alqasyna Saryarqa aýdandyq №2 sotynyń sýdiasy Isaevanyń Baýyrjan Mýsindi qamaýda ustaý merzimin sozý jónindegi sheshimine shaǵymdanamyn. Sebebi bul sottaýǵa bolmaityn jaǵdai. Qorǵalýshy tarap bul isti Esil aýdandyq sotynyń sýdiasy Muhanǵalievaǵa joldaýǵa ótinish bildiredi", - dedi Baýyrjan Mýsinniń advokaty Nurlan Beisekeev.
Eske sala keteiik, Din isteri jáne azamattyq qoǵam ministrliginiń komitet basshysynyń orynbasary Baýyrjan Mýsin biyl 31 naýryzda ustalǵan edi. Baspasóz qyzmeti ókilderiniń aitýynsha, B.Mýsin kásipkerden paranyń kezekti 400 myń teńge somasyndaǵy bóligin alý ústinde ustalyp, Astana qalalyq IID ýaqytsha ustaý izoliatoryna qamalǵan. Paranyń jalpy somasy - 1,4 million teńge.
.
