QR Din isteri jáne azamattyq qoǵam ministrliginiń Azamattyq qoǵam isteri jónindegi komiteti tóraǵasynyń orynbasary B.Mýsin 400 myń teńge para alý barysynda ustaldy, dep habarlaidy "Ult aqparat".
«Jemqorlyqqa qarsy is-qimyl ulttyq biýrosynyń Astana qalalyq departamenti QR Din isteri jáne azamattyq qoǵam ministrliginiń Azamattyq qoǵam isteri jónindegi komiteti tóraǵasynyń orynbasary B.Mýsinniń memlekettik satyp alýǵa qatysýshylar múddesin lobbileý úshin júieli negizde para alǵandyǵyn anyqtady. Aǵymdaǵy jyldyń 31 naýryzy kúni B.Mýsin kásipkerden 400 myń teńge kólemindegi paranyń kezekti bóligin alý barysynda ustalyp, Astana qalalyq IID ýaqytsha oqshaýlaǵyshyna qamaldy. Paranyń jalpy somasy 1,4 mln. teńgeni quraidy. Tergeý amaldary jalǵasýda», - delingen Ulttyq biýro baspasóz qyzmeti taratqan aqparatta.
