Qazaqstan Jazýshylar Odaǵynyń múshesi, tanymal aqyn Baýyrjan Haliollanyń "Jan tebirenis" atty jyr jinaǵy oqyrmanǵa jol tartty.
Aitys pen jazba poeziiany qos qanatyndai ustap, halyqtyń yqylasyna bólenip júrgen aqynnyń bul jinaǵy "Ana Arys" baspasynan 2000 danamen jaryqqa shyqty.
Jańa kitap "Kóne súrleý", "Mahabbat maidany", "Jańa soqpaq", "Aǵymnan aqtarylsam..." jáne "Kóńil pernesi" atty birneshe bólimnen turady.
Aita ketsek, buǵan deiin aqynnyń «Jumbaq qyzdyń janary» («Jazýshy» baspasy, 2001 jyl), «Názik bult kóship barady» (Oral qalasy, 2005 jyl), «Juldyz jaýǵan jaryq tún»(2012 jyl, Oral) atty jyr jinaqtary jaryq kórgen bolatyn.
Aqynnyń jańa jyr jinaǵynan óleńder toptamasyn oqyrman nazaryna usynamyz.
Aqtalý
Iedi moiynymdy muń salmaǵy,
Jetkizbei jelmaia-kún qýsam daǵy.
Ańsaimyn aily túnde appaq aidyn,
Kirpiiaz kóńilimdi kir shalǵaly.
Barlyq jer balpań basar taq-tórimde
Ańqyldai berippin-aý aq kóńildei
Aq mamyq – aqqý moiyn, beý, dúnie,
Sábilik sátterimde tátti ediń ǵoi.
Úzilse, jibek jibi úmittiń de,
Surlanbai syr ashamyn kúlip kimge.
Sarylyp, saǵym qýyp besin kelse,
Saǵynysh sal qylaryn bilippin be?
Al qazir kóshe kezip qańǵidy ánim,
(Jýýsyz jóńkiledi ár meiramyń)
Dárýish – diýanalyq kúi keshemin,
Dámetip bir kórýge Jar didaryn.
Ǵalamshar – teńbil doptai dóńgelengen,
Quny kem ý men shýdyń jerde kórgen.
Bir gúldiń sabaǵyna tatymaityn
Qyzdarǵa ǵashyq boppyn keýde kergen.
Sol kúni kedei túgil bai da ókirgen,
Álimiz álimsaqta áigi etilgen.
Mańymda Bektorylar qaptap júrse,
Qaraimyn qubylaǵa qai betimmen.
Talqandap tal-denemdi tasqyn daýyl,
Jas júrek azǵyndyqtyń astynda júr.
Nýly orman opynǵanda opyq jegen.
Men de bir, ulyp ketken qasqyr da bir.
Qulai súiý
Toltyrǵan jasqa kózimdi,
Beý, Oral, kóne shaharym.
Saǵynyp ótem ózińdi,
Aiaqtalǵansha saparym.
Qoian-jyl yrǵyp qashqanda,
Ómirge aýar ór besin.
Estirsiń jylap basqanda,
Júrektiń árbir pernesin.
Qariia dariia Jaiyǵym –
Máńgilik jasyl kóktemim.
Bir ǵana bolsa, aiybym,
Jaǵańnan jyraq ketkenim.
Meńdetti jandy aýyr hal,
Sabyrly ediń sen netken.
Tolqynyń qandai baýyrmal,
Toǵyshardy da terbetken.
Eleme dep ed qaraǵai,
Qarabai «panalardy» da.
Tarttym da bardym qaramai,
Jaryqtyqtardyń aýylyna.
Mahabbat degen kári qus,
Tuǵyrǵa baryp qonbasam.
Shydatar emes saǵynysh,
Taýsylar eken jol qashan..
Tań menen besin arasy
Shipasy tek sen edi dep,
Júrek sorlap qalmasyn.
Baqyt, baqtyń keregi joq,
Kún tóbeden aýǵasyn.
Bulbuldar-ai, qurǵyrlar-ai,
Sairadyńdar nesine.
Azyq emes bir kúngi arai
Iles ómir kóshine.
Jalyndaǵan jyrymdy alyp,
Jabyqtyrǵan shaq qansha.
Kúnniń kózi kúlim qaǵyp,
Kókjiekke batqansha.
Sáýlem óship qalatyndai
«Sáýlem-ailap» ándetem.
Shyraǵyńdy jaǵa turmai...
Túnge ainaldy bar meken.
Sol... ilkide surlaý óńi
Áli de sol sur aspan.
Qyzyqtyrǵan qyrǵa meni
Qyzǵaldaqtar gúl ashqan.
Keshi esimde so bir kúnniń,
Keýdem janǵan ot birde.
Qońyraýly qońyr muńnyń
Qosaǵy bop kettim be?
Elirermin, eligermin
Qolym jaiyp, Asyl Ai.
Jyldar kóshi – kerýen kún
Ótip jatyr osylai,
Sen ne deisiń, dosym-ai...
Jaiyq qasireti
Qaraqshyny jasyrýǵa qumar Ai,
Essiz dúnie, esebin ber, bu qalai?
Bir kezderi jyndanady qart Jaiyq,
Júrektegi jaraqatqa shydamai.
Muny bireý janardaǵy jas dei me,
Kúlli pende qarmaq saldy mas kúide.
Jaiyn bitken sońǵy demin bir jutyp,
Jyǵylady jete almastan Kaspiige.
Qara altyndy baǵalamai shashyp ek,
Tulpar ýaqyt ókinishti basyp ót.
Qustarynyń shyrqaityny án emes,
Qan aralas ózendegi qasiret.
Jaǵada tur jalqaý halyq kún keship,
Yńyranyp ashylady muńly esik.
Aral "baǵy" týar bolsa, kúni erteń,
Meniń sáýlem qalatyndai birge óship.
Shattanbaidy, ózgeripti shyrailar,
Tipti múldem umytatyn syńai bar.
Ólmes kúnin keship jatqan adamdar,
Jannan qymbat Jaiyq qamyn kim oilar?
Armandaý
Shermende kókirektiń sheri nebir,
Jibir me saýyq qursa, seri kóńil.
Oiǵa alyp, ońashada kádimgidei,
Saǵynar jan bolsaishy meni de bir.
Qumartpas qajet deseń gúl túsin de,
Al ózim jýastaý em jurt ishinde.
Aqyldy qyzǵa ǵashyq aqymaqpyn,
Urlatqan uiqysyn da, kúlkisin de.
Tońdym ba, qarap turyp qaltyradym,
Janymdy jylytsań ed, jarqyn ánim.
Kúl bolyp shylym-ǵumyr órtenedi,
Ala almai jalǵanshydan jarty baǵyn.
Týlaidy janarymda tolqyǵan jas,
Seń qylyp sezimimniń sertin alǵash.
Sandalǵan júregimniń saǵynyshyn
Sandyraq sairan kún de óltire almas.
Shybyn jan shólde, nege tal qarmadym,
Ol daǵy jańǵyrtý ma jalǵan daýyn.
...Oilaidy qiialymda bireý meni,
Sol adam sen bolsa dep armandadym,
Jetedi bos eleske aldanǵanym.
Jaiyq qasireti
Qaraqshyny jasyrýǵa qumar Ai,
Essiz dúnie, esebin ber, bu qalai?
Bir kezderi jyndanady qart Jaiyq,
Júrektegi jaraqatqa shydamai.
Muny bireý janardaǵy jas dei me,
Kúlli pende qarmaq saldy mas kúide.
Jaiyn bitken sońǵy demin bir jutyp,
Jyǵylady jete almastan Kaspiige.
Qara altyndy baǵalamai shashyp ek,
Tulpar ýaqyt ókinishti basyp ót.
Qustarynyń shyrqaityny án emes,
Qan aralas ózendegi qasiret.
Jaǵada tur jalqaý halyq kún keship,
Yńyranyp ashylady muńly esik.
Aral "baǵy" týar bolsa, kúni erteń,
Meniń sáýlem qalatyndai birge óship.
Shattanbaidy, ózgeripti shyrailar,
Tipti múldem umytatyn syńai bar.
Ólmes kúnin keship jatqan adamdar,
Jannan qymbat Jaiyq qamyn kim oilar?
