Búgin Qazaqstan Respýblikasynyń ulttyq akademiialyq kitaphanasynda bir top qalamger bas qosyp, búgingi ádebi ahýal tóńireginde talqylaýlar ótkizdi.
Basqosýǵa Tólen Ábdik, Qajyǵali Muhambetqaliuly, Aldan Smail, Ǵarifolla Esim, Ánes Sarai bastaǵan kórnekti qalamgerler men jas aqyn-jazýshylar qatysty.
Jiynnyń negizgi máseleleriniń biri Qazaqstan Jazýshylar Odaǵynyń Astana qalalyq filialy direktoryn taǵaiyndaý boldy. Qazaqstan Jazýshylar Odaǵynyń Tóraǵasy Ulyqbek Esdəýlet pen birinshi orynbasar Aqberen Elgezek bul qyzmetke tanymal aqyn Baýyrjan Qaraǵyzulyn usyndy. Kópshilik qoldaýymen Baýyrjan Qaraǵyzuly JO-nyń Astana qalalyq filialy basshy bolyp taǵaiyndaldy.
Buǵan deiin bul qyzmetti belgili aqyn Nesipbek Aituly atqarǵan bolatyn. Nesipbek Aituly jaqynda ótken XV Quryltai sheshimine sáikes, Qazaqstan Jazýshylar odaǵynyń Basqarma hatshysy qyzmetine kiristi.
Aita ketsek, Baýyrjan Qaraǵyzuly 1982 jyly 17 qazanda dúniege kelgen.
Halyqaralyq «Shabyt» shyǵarmashyl jastar festivaliniń eki márte laýreaty jáne Gran-Pri júldesiniń iegeri (2006-2008 j.). Qazaqstan Respýblikasynyń Elordasy – Astana qalasyna sińirgen eńbegi men úzdik aqyndyǵy úshin «Patriot» medalin ielengen. (2011 j.).
«Jumbaqtasqa jaýǵan kúz», «Óń.Men.Tús.». «Júrek kitaby», «Topyryq demi» (qyrǵyz tilinde) atty jyr-kitaptarynyń avtory.
Respýblikalyq «Alash úni» gazetinde tilshi (2003-2004 j.), Elordalyq «Astana» jýrnalynda tilshiler qosynynyń jetekshisi, jaýapty hatshy, bas redaktordyń orynbasary (2005-2008 j.), Qazaqstan Respýblikasynyń Ulttyq Akademiialyq kitaphanasynda redaktsiialyq bólimniń redaktory jáne «Kitap patshalyǵy» jýrnalynyń bas redaktorynyń orynbasary (2008-2011 jj.). Kókshetaý qalasyndaǵy «Aqparattyq kitaphana júiesi» Memlekettik mekemesinde direktor (2011-2013jj.) «Ádebiet portaly» internet-jobasynyń jetekshisi qyzmetin atqarǵan.
