«Nur Otan» partiiasy tóraǵasynyń birinshi orynbasary Baýyrjan Baibek 10 qańtarda ótken sailaý qorytyndysyna qatysty pikir bildirdi, dep habarlaidy "Ult aqparat".
«Ortalyq sailaý komissiiasy parlamenttik sailaýdyń qorytyndy nátijesin jariialady. «Nur Otan» partiiasy 71,09% daýys jinady. Barlyq deńgeidegi máslihattar sailaýynda da biz aiqyn jeńiske jettik. Elbasy, partiia Lideri Nursultan Nazarbaev atap ótkendei, «Nur Otan» partiiasynyń basty maqsaty – halyqtyń turmysyn jaqsartý jáne eldigimizdi nyǵaita berý. El bolyp birige bilsek, alynbaityn asý joq. Basymyzǵa túsken qiyndyqtardy biz árdaiym birge eńserip, jetistikterge birlese jetemiz». Bizdiń «Ózgerister joly: Ár azamatqa laiyqty ómir!» atty sailaýaldy baǵdarlamamyz – elimiz ben óńirlerdi aldaǵy 5 jylda damytýdyń daiyn jospary. Ol Elbasynyń 5 institýtsionaldyq reformasynyń baǵdaryn jalǵastyrady jáne Memleket basshysy Qasym-Jomart Toqaevtyń Qazaqstan halqyna Joldaýynda qoiylǵan mindetterdi qamtidy. «Nur Otan»-nyń baǵdarlamasy – egjei-tegjeili eseptelgen, qarjylyq jáne naqty resýrstarmen qamtylǵan sharalar», - dedi Baýyrjan Baibek.
Onyń aitýynsha, alǵash ret josparlaý tásili de ózgerdi.
«Munda salalyq emes, strattyq qaǵidat negizge alyndy. Bul rette naqty áleýmettik toptardyń múddesi basty nazarda bolady. Elbasy aitqandai, endi partiiamyz sailaýaldy ýádelerdiń jáne Memleket basshysynyń pandemiia saldary men ekonomikalyq daǵdarysty eńserý boiynsha qoiǵan mindetteriniń barlyq deńgeide iske asyrylýyn qamtamasyz etýi tiis. Aldymyzda atqaratyn aýqymdy jumys bar. Dostar! 10 qańtarda sailaý ýchaskelerine kelip, «Nur Otan» partiiasyna daýys berý arqyly jasampazdyq pen Qazaqstannyń órkendeý jolyn tańdaǵan barsha azamatqa taǵy da alǵys aitamyn», - dep tolyqtyrdy ol.
