Baýyrjan Baibek 5 sáýir kúni Kókjiek yqsham aýdanynda órtengen kóppáterli úidi az ýaqyt ishinde qaita qalypqa keltirýdi tapsyrdy, dep habarlaidy "Ult aqparat" Almaty qalasy ákimdiginiń baspasóz qyzmetine silteme jasap.
Almaty qalasynyń ákimi Baýyrjan Baibek tiisti organdarǵa zardap shekkenderdiń dúnie-múlikteriniń qoldy bolmaýyn qadaǵalaýdy tapsyrdy.
«Jetisý ákimdigi men qala qutqarý qyzmetiniń kúshimen №177 mektepte shtab qurylyp, jatyn oryndar men tamaq ázirlendi», - delingen habarlamada.
Dál qazir úide elektronenergiia, gaz jáne kommýnikatsiia óshirildi. Politsiia úidi qorshaýǵa aldy.
«Erteńnen bastap iri órttiń neden shyqqanyn anyqtaý úshin komissiialyq tergeý júrgiziledi. Órt-tehnikalyq saraptamadan keiin ǵana úidi qalpyna keltirý jumystary bastalady», - dedi baspasóz qyzmetindegiler.
Esterińizge sala ketsek, 5 sáýir kúni alty qabatty úide iri órt boldy. 300 adam qaýipsiz jerge kóshirilip, jabyq bólmedegi eki adam qutqaryldy. Órttiń aýmaǵy 1 180 sharshy metrdi qurady.
