Memleket basshysynyń Jarlyǵymen Baýyrjan Qydyrǵaliuly Baibek basqa jumysqa aýysýyna bailanysty Almaty qalasynyń ákimi qyzmetinen bosatyldy, dep habarlaidy Aqorda.
Baýyrjan Qydyrǵaliuly Baibek 1974 jyly 19 naýryzda dúniege keldi. Almaty qalasynda týǵan. Ulty - qazaq. «Bolashaq» baǵdarlamasy boiynsha Gete institýtyn (Bremen qalasy, 1995) - «Nemis tili»; «Bolashaq» baǵdarlamasy boiynsha Liýbek qalasyndaǵy Joǵary mektepti (GFR, 1998) - «Pedagog»; Ortalyq Aziia ýniversitetin (2002) «Halyqaralyq ekonomist» mamandyqtary boiynsha bitirgen. Aǵylshyn jáne nemis tilderin erkin meńgergen. 1999 jyldan - Maindaǵy Frankfýrt qalasy QR Bas konsýldyǵynyń referenti, attashesi - GFR-daǵy QR Elshiligi ekonomikalyq bóliminiń úshinshi hatshysy (Berlin qalasy).
2002 jyldan - QR Prezidenti Ákimshiligi Júieli zertteýler ortalyǵynyń sarapshysy. 2003 jyldan - QR Prezidenti Hattamasynyń aqparat jáne taldaý sektorynyń meńgerýshisi, 2004 jyldan - bas inspektory, 2006 jyldan - Hattama jetekshisi. 2009 jyldyń tamyz aiynan beri - QR Prezidenti Ákimshiligi jetekshisiniń orynbasary. 2013 jyldyń qańtarynan bastap «Nur Otan» partiiasy Tóraǵasynyń birinshi orynbasary. 2015 jyldyń tamyzynan osy ýaqytqa deiin Almaty qalasynyń ákimi boldy. QR Prezidentiniń halyqaralyq «Bolashaq» stipendiiasy stipendiattary qaýymdastyǵy keńesiniń (2008 jyldan); Qazaq gýmanitarlyq zań ýniversiteti Qamqorshylyq keńesiniń (2010 jyldan) tóraǵasy. S.D. Asfendiiarov atyndaǵy Qazaq ulttyq meditsina ýniversiteti Qamqorshylyq keńesiniń (2010 jyldan) múshesi.
«Hattamalyq is-sharalardy qamtamasyz etý boiynsha tájiribelik nusqaýlyq» (2007, eki tilde), «Qazaqstan Respýblikasynyń memlekettik hattamasy» (2010) kitaptarynyń avtory; «Qazaqstan Respýblikasynyń memlekettik hattamasy» (2004) kitabynyń birlesken avtory; «Prezidenttiń bir jyly» (2006, 2007) kitabynyń qurastyrýshysy; 6 maqalanyń, sonyń ishinde «Memlekettiń syrtqy saiasi qyzmetindegi hattama» (2010), «Sheteldik memleketterdiń hattamalyq qyzmetin institýttandyrýdyń keibir aspektileri týraly» (2010) jáne t.b. jariialanymdardyń avtory. «Nur Otan» partiiasynyń múshesi (2002 jyldan).
«Qurmet» (2008) ordenimen; «Qazaqstan Respýblikasynyń Táýelsizdigine 10 jyl» (2001), «Astananyń 10 jyldyǵy» (2008) medaldarymen; QR Prezidentiniń Alǵys gramotalarymen (2001, 2010) marapattalǵan.
