Apattan zardap shekken halyqpen kezdesýde Baýyrjan Baibek bul tótenshe jaǵdaidyń búkil halyqty alańdatqan aýyr oqiǵa bolǵanyna nazar aýdardy.
– Qazirgi tańda barsha qazaqstandyqtar judyryqtai jumylyp kómek qolyn sozýda. Memleket tarapynan da naqty sharalar qolǵa alynyp jatyr. Osyǵan bailanysty Elbasynyń tapsyrmasymen qalpyna keltirý jumystaryna partiia tarapynan qoǵamdyq baqylaý kúsheitiledi. Bul jumystar Memleket Basshysynyń da basty nazarynda, – dedi partiia Tóraǵasynyń Birinshi orynbasary.
Búginde Arysty qalpyna keltirý jumystary qarqyndy túrde júrgizilýde. Qala 17 sektorǵa bólinip, árqaisysy elimizdiń ár aimaǵyna bólinip berilgen. Baýyrjan Baibek bul jumystar partiianyń basty nazarynda bolyp, apta saiyn aimaqtardyń atqarǵan jumystarynyń nátijeleri jariialanatynyn jetkizdi.
– Ár aptanyń sońynda Arysty qalpyna keltirý jumystarynyń barysy týraly málimetterdi jinaqtap, onyń nátijesin ashyq túrde halyqqa jariialap otyramyz. Qai oblystyń qalai jumys istep jatqanyn halyq kórip, bilýi kerek. Árine ár aimaqqa bólinip berilgen sektorlardyń jaǵdaiy birkelki emes. Sondyqtan naqty nátije men dáiekti derekterge súienip áreket etemiz, – dedi Baýyrjan Baibek.
Sondai-aq ol «Nur Otan» partiiasynyń gýmanitarlyq kómekter qabyldap, arystyqtarǵa jiberý jumystaryn júieli túrde júrgizgenin atap ótti.
– Mundai jaǵdaida eldigimizdi kórsetip, osy qiyndyqty bekem birligimizben eńserip shyǵýymyz kerek. Bul jumystarda partiia tarapynan turaqty qoldaý bolady. Osy rette jasotandyqtardyń belsendiligin de erekshe atap ótkim keledi. Bizdiń partiianyń jastary eriktilerdi bastap, ózderi osy jaqqa kelip, tikelei úles qosyp jatyr, – degen Baýyrjan Baibek búginde keibir jastardyń atqarylyp jatqan jumystardy synap, eldiń arasyna iritki salyp jatqanyna da nazar aýdardy.
Sonymen qatar sapar barysynda Baýyrjan Baibek Túrkistan oblysynyń ákimi Ómirzaq Shókeevpen birge apattan zardap shekken áleýmettik nysandardy da aralap, olardy qalpyna keltirý jumystarynyń jai-kúiimen tanysty. Atap aitqanda, qaladaǵy «Altyn tumar» balabaqshasyna arnaiy baryp, jarylys kezinde balalardy qaýipsiz jerge kóshirý jumystaryn jedel ári júieli túrde júrgizgen tárbieshilermen, ata-analarmen, psiholog mamandarmen jáne jergilikti aqsaqaldarmen kezdesti.
Sondai-aq Almaty qalasyna bekitilip berilgen sektorda ornalasqan úilerdiń birine arnaiy at basyn buryp, turǵyndarymen tildesti. Qazirgi tańda atalǵan baspana turýǵa jaramsyz dep tanylǵan. Soǵan bailanysty Almaty qalasy úidi qaita salyp bermek.
Odan bólek, Baýyrjan Baibek «Arysqa kómek» aktsiiasy aiasynda Almaty qalasynan jiberilgen gýmanitarlyq kómek kerýenin kútip alýǵa qatysyp, apattyń saldaryn joiý jumystaryna belsendi qatysyp júrgen jasotandyq eriktilermen kezdesti. Elimizdegi eń iri qaladan Arysqa negizinen qurylys materialdary kelgenin aita ketken jón.
