«Nur Otan» partiiasy Tóraǵasynyń Birinshi orynbasary Baýyrjan Baibek jumys saparymen Qyzylorda oblysyna bardy. Sapar barysynda ol partiianyń oblystyq aktivimen kezdesip, aldaǵy maqsat-mindetterge toqtalyp ótti.
Sondai-aq aimaqtyń belsendi jastarymen arnaiy kezdesip, partiianyń jas býynmen jumysy jańa deńgeige kóteriletinin jetkizdi.
Konferentsiia barysynda Baýyrjan Baibek ýaqyt ótken saiyn qoǵamda ózgeristerge suranys artyp kele jatqanyn aitty.
"Halyq qoǵamdyq-saiasi ómirge belsendi qatysa bastady. Bul úderiske zamanaýi kommýnikatsiialar da tyń serpin berýde. Jańa saiasi tehnologiialar ómirimizdiń ajyramas bir bóligine ainaldy. Bul búkil álemdi qamtyp otyrǵan jahandyq úrdis. Sondyqtan qazirgi tańda osy trendterdi igerip, óziniń jumysyn jańa úrdistermen bailanystyra bilgen uiymdar ǵana jetistikke jetedi", – dedi partiia Tóraǵasynyń Birinshi orynbasary.
Osyǵan bailanysty «Nur Otan» partiiasy qoǵamdaǵy ózekti máselelerdi áleýmettik jelilerde jan-jaqty talqylaýdan qashpai, halyqtyń jelidegi pikirine bailanysty jedel áreket etýdi qolǵa alady.
Sondai-aq Baýyrjan Baibek partiianyń synaýdy, syndy qabyldaýdy jáne sol arqyly barlyǵyn saraptap, ony óziniń alańynda konstrýktivti synǵa ainaldyra bilýi kerektigin aitty.
"Partiia ishinde qoǵamdy tolǵandyratyn ózekti máselelerdiń barlyǵy aitylýy kerek. Qazaqstandaǵy barlyq saiasi partiialardyń, úkimettik emes jáne kásipodaq uiymdarynyń qatysýymen syndarly dialog keńistigin qurý qajet. Ol tek saiasatty ǵana emes, áleýmettik, ekonomikalyq, ekologiialyq salalarmen barlyq ózekti máselelerdi qamtýy tiis", – dedi Baýyrjan Baibek.
Jiyn barysynda aimaqtarda bastaýysh partiia uiymdary men qoǵamdyq qabyldaýlardyń áleýetin tiimdi paidalaný máselesi de sóz boldy. Olar usynǵan derekter negizinde halyqtyń áleýmettik ahýalyna taldaý jasalyp, sol arqyly áleýmettik saiasattyń basym baǵyttary anyqtalmaq. Mundai jumystyń jańa ekpin men tyń serpindi talap etetini anyq. Sondyqtan partiia Tóraǵasynyń Birinshi orynbasary áriptesterine úzdik sheteldik tájiribelerdi kóbirek úirenip, qoldanýdy tapsyrdy.
Baýyrjan Baibek partiialyq jumys barlyq áleýmettik toppen birdei júrgizilýi kerektigine de nazar aýdardy.
"Bul iste jobalyq – naqty baǵyttaǵy tásilder qoldanylýy tiis. Jastar, zeinetkerler, múmkindigi shekteýli jandar, áleýmettik az qamtylǵan toptar, kóp balaly analar jáne jumyssyzdarmen tikelei jumys isteimiz. Qazirdiń ózinde partiianyń naqty toptarǵa baǵyttalǵan jaqsy áleýmettik jobalary bar", – dedi ol.
Budan basqa partiia aldaǵy ýaqytta halyqpen keri bailanysty kúsheitip, qoǵamdyq qabyldaý jumysyn jetildire túspek. Sondai-aq sybailas jemqorlyqpen kúresti kúsheitý, aqparattyq baǵyttaǵy is-áreketti júieleý isterine de basymdyq beriledi.
Aita keteiik, konferentsiia kezinde oblystyq partiia aktiviniń biraýyzdan qoldaýymen aimaq basshysy Qýanyshbek Ysqaqov «Nur Otan» partiiasy Qyzylorda oblystyq filialynyń tóraǵasy bolyp sailandy.
Sapar barysynda Baýyrjan Baibek Qyzylorda oblysynyń belsendi jastarymen de arnaiy kezdesti. Is-sharada búgingi jas býynnyń negizgi mindetteri, jastardyń el damýyndaǵy róli jáne ulttyq qundylyqtardy dáripteý týraly ashyq áńgime boldy.
Erkin formatta ótken kezdesýde partiianyń jastarǵa qoldaý kórsetý jumystaryn kúsheitetini de aityldy.
"Kez kelgen partiia óziniń bolashaǵy úshin sabaqtastyq dástúrin qalyptastyrý kerek. Sondyqtan Elbasymyz bizdiń aldymyzǵa jastarmen jumysty kúsheitýdi mindet etip qoiyp otyr. Soǵan orai biz óz jumysymyzǵa jastardy kóptep jumyldyryp, olardyń qalyptasyp, ósýine jol ashamyz", – degen partiia Tóraǵasynyń Birinshi orynbasary Memleket basshysy aitqan jas mamandar rezervin jasaqtaýǵa partiia belsene qatysatynyn tilge tiek etti.
Sondai-aq Baýyrjan Baibek qazirgi jahandaný jaǵdaiynda árbir ult ózin saqtap qalý úshin kúresip jatqanyna jáne bul rette bizdiń jastarǵa úlken mindet júktelip otyrǵanyna nazar aýdardy.
"Biz táýelsizdik alǵan kezde bolashaǵymyzǵa senimsizdikpen qaraǵandar boldy. Elbasynyń dana saiasatynyń arqasynda biz memleket quryp, búkil álemge ózimizdiń el bola alatynymyzdy dáleldedik. Endi osy eldigimizdi kúsheitip, óz qundylyqtarymyzdyń aiasyn keńeitýimiz kerek. Ana tilimiz ben tarihymyzdy dáriptep, álemdik deńgeige alyp shyǵý bizdiń mindetimiz. Osy rette jastarymyz belsendilik tanytýy tiis", – dedi «Nur Otan» partiiasy Tóraǵasynyń Birinshi orynbasary.
Osyǵan orai belgili aitysker aqyn Muhtar Niiazov tól ónerimizdi qoldap, aitysty qaita jandandyrý jaiynda óz usynysyn bildirdi. Mundai usynysty rizashylyqpen qabyl alatynyn aitqan Baýyrjan Baibek partiianyń aldaǵy ýaqytta aitysty qolǵa alyp, onyń damýyna jaǵdai jasaitynyn aitty.
"Partiianyń qoldaýymen endi ai saiyn ár óńirde aitys uiymdastyrylady. Onyń alǵashqysy kúzde Almatyda ótedi. Aqyndarymyz qoǵamdaǵy ózekti máselelerdi ashyq aitýy tiis. Biraq barlyǵy konstrýktivti bolýy qajet", – dedi Baýyrjan Baibek.
Sonymen qatar ol jastarymyzdyń álemdik ekonomika men saiasatty meńgerýge umtylýy kerektigin sóz etti. Onyń aitýynsha, jas qazaqstandyqtar ekonomikanyń negizgi basymdyqtaryn qazaq tilinde sóiletip, osy saladaǵy álemdik úderisterdiń qyr-syryn úirenýge talpynýy tiis.
Budan bólek, qyzylordalyq jastar óskeleń urpaq arasynda qarjylyq saýattylyqty kúsheitý, kásipkerlikti úiretý, tárbielik baǵyttaǵy otandyq mýltiplikatsiiany damytý siiaqty mańyzdy máselelerge qatysty naqty usynystaryn jetkizdi.
Sóz sońynda partiia Tóraǵasynyń Birinshi orynbasary jastardy masyldyqqa boi aldyrmai, kózdegen maqsatqa jetý jolynda aianbai eńbek etý kerektigin aityp, óskeleń urpaqty Elbasynyń ulaǵatty ómir jolynan úlgi alýǵa shaqyrdy.
