Prezident Qasym-Jomart Toqaev Qazaqstannyń «Eýraziianyń kópiri» rólindegi mańyzy týraly aitty, dep habarlaidy QazAqparat.
«Bizdiń elimiz islam, konfýtsiandyq jáne shyǵys-hristiandyq órkeniettiń qiylysynda ornalasqan. Sonymen birge Shyǵyspen jáne Batyspen bizdi tereń tarihi, dildik ári ekonomikalyq dánekerlik bailanystyryp tur. Biz saiasi ári órkeniettik ólshemderde batys pen shyǵystyń arasyndaǵy bailanystyrýshy fýnktsiiasyn oryndaýǵa umtylamyz», - dedi Prezident «Mir» telearnasyna bergen suhbatynda.
Sonymen qatar Qasym-Jomart Toqaev elimiz mańyzdy kóliktik-kommýnikatsiialyq jobalarǵa qatysyp kele jatqanyn atap ótti.
«Ózderińiz bilesizder, Qazaqstan birqatar bedeldi eýraziialyq qurylymdardyń belsendi qatysýshysy bolyp otyr. Onyń ishinde Shanhai yntymaqtastyq uiymy, EQYU jáne Aziiadaǵy ózara is-qimyl jáne senim sharalary jónindegi keńes bar. Árbir úsh jylda Qazaqstanda Álemdik jáne dástúrli dinder kóshbasshylarynyń sezi ótedi. Biz ózimizdi Eýropa men Aziia arasyndaǵy tranzittik saýda kópiri retinde parasatty túrde tuǵyrlandyrdyq. Qazaqstan únemi qos kontinentti bailanystyratyn kóliktik-kommýnikatsiialyq jobalar aiasynda mańyzdy býyn bolýǵa umtylady. Osyǵan mádeni jáne tarihi mańyzdaǵy quramdaýyshty qosa atap ótken jón», - dedi Memleket basshysy.
