Jaiyq-Kaspii oblysaralyq basseindik balyq sharýashylyǵy inspektsiiasy Batys Qazaqstan oblysynyń Aqjaiyq jáne Báiterek aýdandarynda balyq qyrylǵanyn rastady, dep habarlaidy "Ult aqparat".
31 shildede Batys Qazaqstan oblysy ákimdiginen Aqjaiyq aýdany Orlov eski arnasynda balyq qyrylǵany týraly aqparat túsken.
Inspektsiia búkil múddeli memlekettik organdarǵa (Batys Qazaqstan oblysynyń tabiǵi resýrstar basqarmasy, BQO boiynsha ekologiia departamenti, ǵylymi-óndiristik ortalyq) habarlaǵan.
«Osy aqparatty tekserý úshin joǵaryda atalǵan memorgan ókilderinen turatyn komissiia balyq qyrylǵan arnaǵa jolǵa shyqty. Oqiǵa ornyna kelgennen keiin balyqtyń qyrylýy týraly aqparat rastaldy», - deidi mekemeden.
Qyrylǵan balyqtyń túri — tuqy. Jalpy salmaǵy — 21 keli.
Oblystyq ekologiia departamenti zerthanalyq zertteý úshin sýdan synama aldy.
Balyqtardyń qatty ydyraýyna bailanysty odan synama alý múmkin bolmady.
«Jergilikti atqarýshy organdarmen birlesip, sanitarlyq normalardy saqtai otyryp, qyrylǵan balyqty jinaldy», - delingen habarlamada.
Sonymen qatar Batys Qazaqstan oblysy Báiterek aýdany Gorbýnova aýylynda da bólinip qalǵan jaiylma sýda balyq qyrylǵan.
Munda negizinen móńke balyǵy qyrylǵan. Jalpy salmaǵy — 15 keli (salmaǵy 50-150gr).
BQO oblysy boiynsha ekologiia departamenti sý jáne balyqtan synama aldy.
